ᓄᓇᓕᓕᒫᑦ ᐱᓇᓱᐊᕐᕕᖓᑦ ᐃᓗᓐᓀᓄᑦ ᐊᓐᓂᐊᓯᐅᑎᓕᕆᓂᖅ
ᐳᕐᑐᓂᕐᓭᑦ ᑲᒪᔨᒻᒪᕆᖏᑦ ᐃᑉᐱᒋᔭᖃᕆᐊᖃᓲᖑᕗᑦ ᐊᐅᓚᑦᓯᒋᐊᖃᕆᐊᒥᒃ ᓄᓇᓕᓕᒫᑦ ᑲᑎᒪᔨᖏᑦᑕ ᓱᓇᓱᐊᕐᑕᓕᒫᖏᓐᓂᒃ ᑲᔪᓯᑎᑦᓯᓂᕐᒥᓗ ᓄᓇᓕᓕᒫᑦ ᑲᑎᒪᔨᖏᑦᑕ ᑐᕌᒐᖏᓐᓂᒃ. ᑖᒃᑯᐊ ᑲᔪᓯᑎᑦᓯᓲᑦ ᑲᑎᒪᔩᑦ ᑐᑭᑖᕐᓯᒪᔭᖏᓐᓂᒃ ᐊᒻᒪᓗ ᑲᑎᒪᔨᓂᒃ ᑐᑭᓯᒪᐅᑎᑦᓴᖃᕐᑎᓯᑦᓱᑎᒃ ᑐᑭᑖᕐᑕᐅᒋᐊᓕᓐᓅᓕᖓᔪᓄᑦ. ᒪᑯᓂᖓ ᑲᒪᒋᔭᖃᓲᖑᒻᒪᑕ:
- ᓇᓗᓀᕐᓯᓗᑎᒃ ᓄᓇᓕᓕᒫᑦ ᑲᑎᒪᔨᖏᑦᑕ ᑐᕌᒐᖏᓐᓂᒃ;
- ᐃᑉᐱᒋᔭᖃᕐᓗᑎᒃ ᐊᑐᓂᑦ ᐱᓇᓱᐊᕐᕕᐅᔪᓕᒫᑦ ᐊᒻᒪᓗ ᐊᑐᓂᑦ ᑎᒥᐅᔪᐃᑦ ᐊᑖᓂᓐᓂᖃᕐᑐᓂᒃ ᓄᓇᓕᓕᒫᑦ ᑲᑎᒪᔨᖏᓐᓄᑦ ᐊᐅᓚᑕᐅᓂᖃᕐᑐᑦ ᑲᔪᓯᑎᑦᓯᓯᐊᕋᓗᐊᕐᒪᖔᑕ ᐊᑑᑎᔭᐅᒍᑎᒥᓂᒃ;
- ᐃᑉᐱᒋᔭᖃᕐᓗᑎᒃ ᓴᐳᑦᔭᐅᓯᐊᕋᓗᐊᕐᒪᖔᑕ ᐊᑐᓲᑦ ᑫᓪᓗᑐᕐᓗᒋᓪᓗ ᐃᓚᐅᖃᑕᐅᓂᖏᑦ ᑕᒪᑐᒧᖓ;
- ᓴᐳᒻᒥᓗᑎᒃ ᐱᑦᔪᔨᕕᐅᔪᕐᓂᒃ ᑕᒪᑦᓱᒧᖓᓗ ᐱᓇᓱᐊᖃᑕᐅᔪᓂᒃ ᓄᓇᕕᒻᒥ ᓇᒻᒪᓈᕐᑎᓯᒐᓱᐊᕐᑎᓗᒋᑦ ᐱᒍᑦᔨᒍᑎᐅᓲᓂᒃ ᑭᖕᖒᒪᒋᔭᐅᔪᓄᑦ 14-ᓄᑦ ᓄᓇᓕᓐᓄᑦ;
- ᐃᑉᐱᒋᔭᖃᕐᓗᑎᒃ ᓲᓱᒋᔭᐅᑦᓯᐊᕋᓗᐊᕐᒪᖔᑕ ᐅᑯᐊ ᐱᖁᔦᑦ ᐱᑦᔪᑎᒋᑦᓱᒋᑦ ᐱᕕᖃᕈᓐᓇᓂᕐᒧᑦ ᑐᑭᓯᒪᐅᑎᑦᓴᓂᒃ.
ᑖᓐᓇ ᐱᓇᓱᐊᕐᕕᒃ ᐊᑑᑎᔭᐅᒍᑎᖃᕐᒥᔪᖅ ᐃᑉᐱᒋᔭᖃᕐᓂᒥᒃ ᑕᒪᒃᑯᐊ ᐊᓪᓚᑕᐅᓯᒪᔪᐃᑦ ᐱᖓᓱᓂᒃ ᐅᖃᐅᓯᖃᕐᑎᑕᐅᑦᓯᐊᕋᓗᐊᕐᒪᖔᑕ - ᐃᓄᑦᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ - ᐊᒻᒪᓗ ᐃᑉᐱᒋᔭᖃᕐᓗᑎᒃ ᑕᒪᒃᑯᐊ ᐱᒍᑦᔨᒍᑏᑦ ᓄᓇᕕᓕᒫᒥ ᐊᑐᐃᓐᓇᐅᑎᑕᐅᑦᓯᐊᕋᓗᐊᕐᒪᖔᑕ ᑖᒃᑯᐊ ᐱᖓᓱᑦ ᐅᖃᐅᓰᑦ ᐊᑐᕐᑕᐅᑎᓗᒋᑦ.
ᓱᓕ, ᑖᓐᓇ ᐱᓇᓱᐊᕐᕕᒃ ᑲᒪᒋᔭᖃᕆᐊᖃᕐᒥᔪᖅ ᑐᓴᐅᒪᒍᑎᐅᓕᕆᐅᑏᑦ ᐱᒍᑦᔭᐅᒍᑎᖏᓐᓂᒃ & ᑐᑭᓯᒪᐅᑎᓕᕆᐅᑎᓂᓪᓗ ᐊᒻᒪᓗ.
ᓄᓇᓕᓕᒫᑦ ᐱᓇᓱᐊᕐᕕᖓᑦ ᐋᓐᓂᐊᓯᐅᑎᓕᕆᓂᕐᒧᑦ
ᓄᓇᓕᓕᒫᑦ ᐱᓇᓱᐊᕐᕕᖓᑦ ᐋᓐᓂᐅᓯᐅᑎᓕᕆᓂᕐᒧᑦ ᓄᐃᑕᐅᓚᐅᕐᓯᒪᔪᖅ ᓄᓇᕕᒻᒥ ᕕᕗᐊᕆ 2006-ᒥ ᐊᒻᒪᓗ ᐃᓕᑕᕆᔭᐅᓪᓚᕆᓚᐅᔪᑦᓱᑎᒃ ᑯᐯᒃᑯᑦ ᓯᕿᓂᖕᖑᐊᓕᕆᔨᖏᓐᓄᑦ ᐊᒻᒪᓗ FMOQ-ᑯᓄᑦ ᔫᓂ 2006-ᒥ. ᑖᒃᑯᐊ ᑎᓕᔭᐅᒪᒍᑎᖃᕐᐳᑦ ᐃᒣᓕᒋᐊᖁᔨᒍᓐᓇᓂᕐᒥᒃ ᓄᓇᓕᓕᒫᑦ ᑲᑎᒪᔨᖏᑦᑕ ᐳᕐᑐᓂᕐᓭᑦ ᑲᒪᔨᒻᒪᕆᖏᓐᓂᒃ ᐸᕐᓇᑕᐅᔪᖃᓕᕐᐸᑦ ᐋᓐᓂᐊᓯᐅᕐᑏᑦ ᐱᓇᓱᑦᑎᒋᓂᐊᕐᑕᖏᓐᓂᒃ ᐋᓐᓂᐊᓯᐅᕐᑎᐅᓂᐊᕐᑐᓂᒃ, ᐊᕐᕿᓱᐃᒋᐊᖃᕐᓂᒥᓪᓗ ᐊᑑᑎᔭᐅᒍᒪᔪᓂᒃ ᐊᒻᒪᓗ ᐊᓐᓂᐊᕕᓐᓄᑦ ᐱᓇᓱᐊᕐᑕᐅᓂᐊᕐᑐᓂᒃ ᐊᒻᒪᓗ ᐱᔭᐅᑎᑦᓯᓗᑎᒃ ᐃᓱᒪᒋᔭᕐᒥᓂᒃ ᑕᒪᑦᓱᒧᖓ ᐸᕐᓀᕆᓂᕐᒧᑦ ᐱᑕᖃᕐᑎᓯᓂᕐᒧᓗ ᐋᓐᓂᐊᓂᓕᕆᓂᓕᒫᒃᑯᑦ ᐱᒍᑦᔨᒍᑎᓂᒃ.
ᑐᕌᒐᖏᑦ
ᐱᓗᐊᕐᑐᒥᒃ, ᑖᒃᑯᐊ ᐋᓐᓂᐊᓯᐅᑎᓕᕆᔩᑦ ᐃᒣᓕᒋᐊᖁᔨᒍᑎᓂᒃ ᓄᓇᓕᓕᒫᑦ ᑲᑎᒪᔨᖏᓐᓄᑦ ᐊᒻᒪᓗ ᐃᑉᐱᒋᔭᖃᕐᓗᑎᒃ ᑲᔪᓯᑎᑕᐅᑦᓯᐊᕋᓗᐊᕐᒪᖔᑕ ᑐᑭᑖᕆᔭᖏᑦ ᐃᓕᖓᔪᓂᒃ ᒪᑯᓄᖓ :
- ᓄᓇᓕᓕᒫᑎᒍᑦ ᐋᓐᓂᐊᓯᐅᕐᑎᓂᒃ ᐱᓇᓱᑦᑎᖃᕐᓂᒧᑦ ᐸᕐᓇᓯᒪᐅᑎᖏᓐᓂᒃ ᐋᓐᓂᐊᓯᐅᑎᓕᕆᓂᕐᑎᒍᑦ ;
- ᐋᓐᓂᐊᓯᐅᕐᑎᓄᑦ ᐱᒍᑦᔭᐅᒍᑏᑦ ᐃᑲᔪᕐᓯᒪᐅᑏᑦ ᐊᑖᒍᕐᑐᑦ ᓯᕗᓪᓕᐅᔭᐅᒪᓂᐊᕐᑎᓗᒋᑦ ;
- ᐋᓐᓂᐊᓯᐅᕐᑏᑦ ᓱᓇᓱᐊᕆᐊᖃᓪᓚᕆᑦᑕᖏᑦᑕ ᓱᓇᐅᓂᖏᓐᓂᒃ ;
ᓱᓕ, ᓇᓗᓀᕐᑕᐅᒋᐊᖃᕐᓂᔪᖅ, ᐊᑑᑎᔭᐅᒍᒪᒋᐊᖃᕐᒥᓱᓂᓗ, ᐊᑐᕐᑎᑕᐅᓗᓂᓗ ᓇᓗᓀᔭᕐᑕᐅᓗᑎᓪᓗ ᒪᑯᐊ :
- ᓄᓇᓕᓕᒫᑎᒍᑦ ᐸᕐᓇᓯᐅᒪᑎᓂᒃ ᐊᕐᕿᓱᐃᓯᒪᒍᑎᑦᓴᒧᑦ ᐋᓐᓂᐊᓯᐅᕐᑎᓕᕆᐅᑏᑦ ᐱᒍᑦᔨᒍᑎᖏᓐᓂᒃ ;
- ᐱᕕᑦᓴᖃᕐᑎᓯᒍᑎᓂᒃ ᐃᓗᓐᓈᒍᑦ ᐋᓐᓂᐊᓯᐅᕐᑎᓕᕆᔭᐅᒍᑎᓄᑦ ᐃᓚᖃᕈᓐᓇᑐᓂᒃ ᐃᓚᐅᑎᑕᐅᔪᓂᒃ ᐱᒍᑦᔨᒍᑎᓂᒃ.
ᑖᒃᑯᐊ ᐋᓐᓂᐊᓯᐅᑎᓕᕆᔩᑦ ᐊᑐᕐᓂᖃᕆᐊᖃᓪᓚᕆᑦᑐᑦ ᐊᕐᖁᑎᒋᔭᐅᓗᑎᒃ ᐊᓐᓂᐊᓯᐅᕐᑎᒋᔭᐅᔪᓄᑦ ᑕᒣᓐᓄᑦ ᓄᓇᕕᒻᒥ ᓄᓇᓕᖃᕐᕕᓄᑦ ᐊᒻᒪᓗ ᑐᑭᓯᒪᑎᑦᓯᒋᐊᖃᕐᓂᒧᑦ ᐃᓚᐅᔪᐃᑦ ᖃᓄᐃᑦᑐᒥᓪᓚᕆᓚᖓᒻᒪᖔᑕ ᐱᓇᓱᐊᓕᕈᑎᒃ ᑕᒫᓂ ᐃᓕᑕᕆᔭᐅᑎᑦᓯᓗᑎᒃ ᐱᓀᓗᑕᕐᒥᓂᒃ. ᑖᒃᑯᐊ ᐃᓄᑦᑕᖏᑦ ᑭᒡᒐᑐᕐᓂᐊᑐᑦ ᑕᒪᖏᓐᓂᒃ ᒪᕐᕉᓂᒃ ᓄᓇᓕᖃᕐᕕᒋᔭᐅᔪᓂᒃ ᐊᒻᒪᓗ ᐅᐸᑦᑕᐅᑐᐃᓐᓇᕈᓐᓇᖏᑦᑐᒥ ᐱᓇᓱᐊᓚᖓᓂᖏᓐᓄᑦ ᐱᒍᑦᔨᓕᕈᑎᒃ ᐱᑦᔪᔨᕕᐅᔪᕐᓂᒃ.