ᐊᐅᔭᐅᑎᓪᓗᒍ/ᐅᐱᕐᖔᒃ, ᐅᕐᖂᓂᖓ ᐃᓚᖓᓂᑦ ᑎᑭᐅᑎᒍᓐᓇᑐᖅ ᐅᕐᖂᓂᕐᓴᒧᑦ ᐊᑑᑎᔭᐅᒡᒐᔪᓲᓂᑦ ᓄᓇᕕᒻᒥ.
ᐃᕝᕕᑦ ᓇᓪᓕᒋᔭᐃᓪᓘᓐᓃᑦ ᖃᓄᐃᓚᑳᑉᐱᓯ? ᐅᖄᕕᒋᒃᑭᑦ Info-Sante ᐅᕗᖓ 811, ᓇᓪᓕᑳᒐᑦᓴᖅ 1.
ᑐᓴᐅᒪᑦᓯᐊᖏᓐᓇᕋᓱᐊᒋᑦ ᐃᒫᖓᐃᕐᑎᓂᑦ ᓄᓇᓕᑦᓯᓃᑦᑐᓂᑦ ᐅᕐᖂᓯᐅᕐᓂᒨᓕᖓᔪᓂᑦ.
ᓱᕐᕋᐃᒍᓐᓇᓂᖓ ᑎᒥᑎᒍᑦ
ᐅᕐᖂᔪᒻᒪᕆᐅᑎᓪᓗᒍ, ᓄᓇᕕᒻᒥᐅᓕᒫᑦ ᐊᑦᑕᓇᕐᑐᒦᓲᒍᕗᑦ, ᖃᑦᓯᑐᐃᓐᓇᓂᑦ ᐅᑭᐅᖃᒐᓗᐊᒐᒥᒃ ᑎᒥᒥᑎᒍᓪᓘᓐᓃᑦ ᓱᕐᕋᑕᐅᖅᓱᑎᒃ. ᑭᓇᑐᐃᓐᓇᑯᑦ ᐊᑦᑕᓇᕐᑐᒦᒍᓐᓇᑐᑦ ᐅᕐᖂᔪᒧᑦ ᐅᑯᐊᒍᕗᑦ :
- ᓄᑕᕋᐃᑦ ᐊᒻᒪᓗ ᑲᒃᑲᓛᑦ/ᐱᐊᕋᐃᑦ
- ᓄᑕᕋᑦᓴᓖᑦ/ᐱᐊᕋᑦᓴᓖᑦ
- ᐃᓄᑐᖃᐃᑦ
- ᑭᓇᑐᐃᓐᓇᑯᑦ ᐆᒻᒪᑎᒻᒥᒍᑦ, ᐳᕙᒻᒥᒍᑦ, ᑕᕐᑐᒥᒍᑦ, ᐊᒻᒪᓘᓐᓃᑦ ᐃᑉᐱᓂᐊᒍᑎᒻᒥᒍᑦ ᐋᓐᓂᐊᓖᑦ
- ᑭᓇᑐᐃᓐᓇᑯᑦ ᐃᓱᒪᒍᓯᒻᒥᒍᑦ ᐃᓱᐃᓗᑕᓖᑦ ᐊᒻᒪᓘᓐᓃᑦ ᐅᐃᕆᒪᐅᑕᓖᑦ ᐃᒥᐊᓗᒻᒥᑦ ᐋᖓᔮᓐᓇᑐᓐᓂᓘᓐᓃᑦ
- ᑭᓇᑐᐃᓐᓇᑯᑦ ᐱᓇᓱᐊᓲᑦ ᓯᓚᒥᑦ
ᐃᓚᖏᑦ ᑭᓇᑐᐃᓐᓇᑯᑦ ᐊᑑᑎᑐᐃᓐᓇᕆᐊᓖᑦ :
- ᑕᖃᒪᓂᕐᒥᑦ(ᓄᑮᓗᖂᒥᓂᖅ)
- ᓴᓗᐊᖓᓂᖅ( ᖃᓂᕐᒥᒍᑦ ᓴᓗᐊᖓᓂᖅ)
- ᐅᕕᓂᕐᑎᒍᑦ ᐊᐅᐸᑦᑑᖅ ᐊᒻᒪᓗ/ᐊᒻᒪᓘᓐᓃᑦ ᑎᓪᓘᔭᕐᓂᖅ
- ᒥᕆᐊᖕᖑᓂᑦ ᐊᒻᒪᓗ/ᐊᒻᒪᓘᓐᓃᑦ ᒥᕆᐊᑎᕆᓂᕐᒥᑦ
- ᓂᐊᖁᖕᖑᓂᑦ
- ᐃᑦᔭᖑᓂᖅ
ᐃᕝᕕᓘᓐᓃᑦ ᓇᓪᓕᒋᔭᐃᓪᓘᓐᓃᑦ ᐊᑑᑎᔪᕕᓂᐅᑉᐸᑕ ᑖᒃᑯᓇᖕᖓᑦ ᐃᓱᐃᓗᑕᓐᓂᑦ, ᑭᓂᖁᓇᕐᐳᑎᑦ ᑕᒐᑕᒐᐃᓐᓇᖅ ᓂᓪᓕᓇᕐᑑᓂᑦᓴᒥᑦ ᐊᒻᒪᓗ ᐃᒪᑐᐃᓐᓇᑐᑦᓴᐅᑎᒋᓗᑎᑦ.
ᐅᖄᕕᒋᒋᒃᑭᑦ Info-Sante ᐅᕙᓂ 811, ᓇᓪᓕᑳᒐᑦᓴᖅ 1, ᓇᓪᓕᑐᐃᓐᓇᖏᑦ ᐃᑯᓪᓚᖃᔭᐃᑉᐸᑕ ᐊᓐᒪᓘᓐᓃᑦ ᐱᓕᐅᒥᑉᐸᑕ.
ᑭᓯᐊᓂᑦᑕᐅ, ᐃᒪᖏᑦ ᖃᐅᔨᒍᑕᐅᔪᐃᑦ ᐅᐃᒪᓇᓪᓗᐊᒐᔭᖕᖏᑐᑦ ᐊᒻᒪᓗ ᖃᐅᔨᓴᕐᑕᐅᒋᐊᖃᒐᔭᕐᑐᑦ ᐋᓐᓂᐊᓯᐅᑎᒃᑯᓄᑦ. ᓄᓇᓕᑦᓯᓂᑦ ᐋᓐᓂᐊᓯᐅᑎᒃᑯᓅᒋᑦᓯ ᐅᐃᒪᓇᕐᑑᑎᓪᓗᒍ ᐃᕝᕕᓘᓐᓃᑦ ᐃᓚᑎᓪᓘᓐᓃᑦ
- ᐆᓇᑐᐊᕐᐸᑦ
- ᓇᓗᓇᕐᓯᐸᓪᓘᓐᓃᑦ
- ᐅᒡᒍᐃᓇᕐᐸᓘᓐᓃᑦ
ᖃᓄᐃᓘᕐᑐᖃᒋᐊᖃᕐᖄ ᐅᕐᖂᔫᓗᐊᓕᕐᐸᑦ?
- ᐃᒪᑐᐃᓐᓇᑐᕐᕈᐊᖃᑦᑕᓗᑎᑦ. ᐅᑕᕐᕿᒍᓐᓇᐃᓗᑎᑦ ᐃᒥᕈᓕᕈᕕᑦ(ᐋᓐᓂᐊᓯᐅᑎᒃᑯᑦ ᐃᑯᓪᓚᖁᔨᖕᖏᐸᑕ ᐃᒪᑐᐃᓐᓇᑐᒐᑦᓴᒥᑦ)
- ᐃᒥᐊᓗᑦᑕᐃᓕᓪᓗᑎᑦ, ᐃᒥᐊᓗᒃ ᐃᒥᕈᒋᐊᓪᓚᑎᑦᓯᒍᓐᓇᒪᑦ
- ᓂᓪᓚᔫᒥᒐᓱᐊᖃᑦᑕᕆᑦ :
- ᓂᓪᓕᒪᔪᒥᑦ ᐅᕕᓂᓐᓂᐊᖃᑦᑕᓗᑎᑦ ᓯᓚᓄᑦᑑᔮᕐᑐᒥᑦ ᐊᒻᒪᓘᓐᓃᑦ ᑕᓯᐊᕉᔮᕐᑐᒥᑦ ᐊᑑᑎᒍᒪᓕᕈᕕᑦ
- ᐅᕕᓃᑦ ᓂᓪᓚᔫᒥᑎᖃᑦᑕᒍᒃ ᐊᓪᓚᕈᑎᒧᑦ ᐊᒥᓱᕕᓪᓗᑎᑦ ᐅᓪᓗᐃᓇᖅ. ᐆᑦᑑᑎᒋᓗᒍ, ᓂᓪᓕᒪᔪᖅ ᐊᓪᓚᒍᑎᑦ ᑮᓇᕐᓃᕕᑦᑎᓗᒍ, ᑕᓕᓐᓃᕕᑦ, ᖁᖏᓯᕐᓃᕕᑦ, ᖃᐅᓯᓕᕐᑎᕆᖃᑦᑕᓗᑎᓪᓗ ᑮᓇᕐᓃᕕᑦ :
- ᐃᖃᐃᓕᓴᕐᑕᐃᓕᓪᓗᑎᑦ
- ᑖᓪᓕᑎᕐᓯᒪᔪᒦᓪᓗᑎᑦ ᓴᓪᓚᑐᐊᕐᓯᓗᑎᑦ ᓇᓴᕐᓯᒪᓗᑎᓪᓗ :
- ᑖᓗᑕᕐᓯᒪᓗᑎᑦ ᐃᒧᓲᓂᓪᓘᓐᓃᑦ ᑖᓗᑕᕐᓂᑦ ᓯᕿᓐᓂᓕᕐᐸᑦ; ᓂᓪᓕᓇᕐᑐᒦᒐᓱᐊᓪᓗᑎᑦ ᐱᕕᖃᒍᕕᑦ;
- ᖃᐅᔨᑎᖃᑦᑕᑭᑦ ᓱᓕᕐᒪᖔᑉᐱᑦ ᓇᓪᓕᒋᔭᑎᑦ ᐊᒻᒪᓗ ᐅᖃᓐᓇᓵᒍᓐᓇᐃᓗᑎᑦ ᐃᑲᔪᕐᑕᐅᒍᒪᓕᒍᕕᑦ ᐅᕐᖂᓗᐊᓕᕐᐸᑦ;
- ᑭᓇᑐᐃᓐᓇᑯᑦ ᐊᑦᑕᓇᕐᓂᓴᐅᓲᑦ ᐃᓚᒥᓄᑦ ᐳᓛᕆᐊᕐᑕᐅᒍᒪᓕᐅᒥᔮᒍᓐᓇᑐᑦ(ᐃᓚᓯᓂᑦ, ᓄᓇᕐᖃᑎᒥᓂᑦ, ᐃᓚᓐᓈᒥᓂᑦ.)
- ᐃᓚᒋᔭᐅᔪᐃᑦ ᐃᓄᑐᖃᕐᓄᑦ,, ᐊᐅᓚᕐᖃᔭᑦᓯᐊᖏᑦᑐᓄᑦ ᐃᓚᒋᔭᐅᔪᐃᑦ ᐊᒻᒪᓘᓐᓃᑦ ᐃᓄᑐᐊᓂᑦ ᐃᓚᓖᑦ ᐳᓛᕆᐊᓕᐅᒥᔮᒋᐊᖃᕐᖁᑦ.
ᕿᒪᐃᑦᑕᐃᓕᖃᑦᑕᓗᓯ ᕿᑐᕐᖓᓯᓐᓂᑦ ᓄᓇᒃᑰᔫᑉ ᐃᓗᐊᓂ ᐊᒻᒪᓘᓐᓃᑦ ᐊᓂᕐᑎᕆᕕᖃᑦᓯᐊᖏᑦᑐᒥᑦ, ᓯᕐᓛᐲᓚᖓᔪᕆᒐᓗᐊᕈᕕᑦ.
ᑭᓇᑐᐃᓐᓇᑯᑦ ᐊᓃᒋᐊᓖᑦ (ᐱᓇᓱᐊᕐᓗᑎᒃ, ᐊᐅᓪᓚᒋᐊᖃᒍᑎᒃ, ᓯᓚᒦᓪᓗᑎᒃ ᐱᔭᑦᓴᖃᒍᑎᒃ)
- ᐊᓃᓪᓗᐊᑕᐃᓕᓪᓗᑎᑦ (ᐅᐃᒪᓇᖕᖏᑐᐃᑦ ᑭᖑᕙᑦᑎᓗᒋᑦ ᐅᓪᓘᑉ ᐊᓯᐊᓄᑦ, ᐊᒻᒪᓘᓐᓃᑦ ᐃᑭᓪᓕᑎᓪᓗᒋᑦ ᐱᔭᑦᓴᑎᑦ.
- ᓄᕐᖃᖓᑲᐃᓐᓇᖃᑦᑕᓗᑎᑦ ᐃᓪᓘᑉ ᐃᓗᐊᓂᑦ
ᖃᐅᔨᔭᐅᒋᐊᓖᑦ ᐱᓇᓱᐊᕐᑎᓄᑦ
ᐃᒫᖓᐃᖁᔨᒍᑏᑦ ᐱᓇᓱᐊᕐᑎᒐᓴᓐᓄᑦ ᐃᓕᖓᕗᑦ.
CNESST -ᑯᑦ ᓱᖏᕐᑐᐃᕗᑦ ᐃᓕᓐᓂᑦ ᐊᑑᑎᔭᐅᖁᔨᑦᓱᑎᑦ ᐊᑦᑕᓇᕐᑐᒦᑦᑎᓯᑦᑕᐃᓕᓂᕐᒥᒃ, ᐊᑦᑕᓇᓪᓗᐊᖏᒃᑲᓗᐊᕐᐸᑦ.
- ᐅᕐᖂᓯᐅᒥᑉᐸᑦ, ᐃᒪᐃᒋᐊᖃᕐᖁᑎᑦ :
- ᐋᕐᕿᒋᐊᕐᓗᒋᑦ ᓱᑲᓐᓂᑎᑦ ᐱᓇᓱᐊᕐᓱᑎᑦ;
- ᕿᑲᓕᐅᒥᖃᑦᑕᓗᑎᑦ, ᑖᓪᓕᓂᕐᒦᓗᑎᑦ ᐊᒻᒪᓘᓐᓃᑦ ᓂᓪᓕᒪᔪᒥᑦ ᓇᔪᒐᑦᓴᒥᑦ
- ᐃᒪᑐᐃᓐᓇᑐᓕᐅᒥᖃᑦᑕᓗᑎᑦ ᐃᒪᑦᓯᐊᒥᑦ, ᐃᒥᕈᖕᖏᑲᓗᐊᒍᕕᑦ(ᖃᓪᓗᑎᓪᓗᐊᒥᐅᓐᓃᑦ ᑕᕐᓵᐱᓐᓂᑦ ᐊᕙᑎᓂᑦ ᓈᔨᒋᐊᑕᒫᑦ, ᐊᖏᓂᖃᑦᑎᓗᒍ ᐃᒪᕋᑦᓴᔭᓕᐅᕈᑎᓗᐊᕐᒥᑦ ᐃᑲᐅᕐᓂᑕᒫᑦ)
- ᓴᓪᓚᑐᐊᕐᓯᓗᑎᑦ, ᕿᕐᓂᓗᐊᕐᑕᐃᓕᔪᓂᑦ ᐊᓐᓄᕌᕐᓯᒪᓗᑎᑦ, ᖃᓪᓗᓈᕐᑕᓴᔭᑐᐃᓐᓇᓂᑦ , ᐊᐅᒃᑲᓂᖓᓕᕈᕕᑦ ᐃᓱᐊᒍᓇᕐᓂᑦ.
- ᓂᐊᖁᐃᑦ ᐅᓕᓯᒪᖃᑦᑕᓗᒍ ᐱᓇᓱᐊᓕᕈᕕᑦ ᓯᓚᒥᑦ;
- ᓂᐊᖁᖕᖑᔫᔮᕐᐲᑦ? ᐅᔅᒍᓂᐅᔭᕐᑐᕉᔮᕐᐲᑦ? ᑕᖃᕐᑑᔮᕐᐲᑦ ᐊᑑᑎᓲᒍᑦᔭᓇ? ᐱᓇᓱᐊᕐᑕᓃᕕᑦ ᓄᕐᖃᓴᐅᑎᒋᓚᐅᕆᑦ ᐊᒻᒪᓗ ᖃᐅᔨᑎᑦᓯᓴᐅᑎᒋᓗᑎᑦ ᐋᒻᓂᐊᓯᐅᑎᒥᑦ ᐊᒻᒪᓗ ᐊᖓᔪᕐᖄᑦ ᖃᐅᔨᑎᓪᓗᒍ. ᑖᒃᑯᐊ ᖃᓄᐃᒍᑎᑎᑦ ᓯᕗᓪᓕᐸᐅᓗᑎᒃ ᓇᓗᓇᐃᕐᓯᒍᑎᐅᕗᑦ ᐆᒻᒪᑖᕐᓂᒥᑦ.
- ᐃᑉᐱᒍᓱᒋᐊᓪᓚᕆᑦ ᐅᑯᓂᖓ ᐄᕐᖃᒍᕕᑦ, ᐃᓱᐃᓗᑕᖃᒍᕕᑦ ᐊᒻᒪᓘᓐᓃᑦ ᐋᓐᓂᐊᓕᕐᑐᕕᓂᐅᒍᕕᑦ(ᐊᓇᑭᑕᕐᓂᒥᑦ,ᐆᓇᕐᓂᒥᑦ, ᒥᕆᐊᑎᕆᓂᕐᒥᑦ);
- ᐅᖃᑦᓴᐅᑎᒋᕆᑦ ᐱᓇᓱᐊᖃᑎᑉᐱᑦ ᐱᐅᓯᕆᓲᒍᖕᖏᑕᖓᓂᑦ ᐱᐅᓯᖃᑉᐸᑦ (ᐅᖄᑦᓯᐊᖃᔭᐃᑉᐸᑦ, ᐅᒡᒍᖑᓱᓕᕐᐸᑦ, ᐊᐅᓚᔨᕐᖃᔭᐃᑉᐸᑦ,ᐊᓯᖏᓐᓂᓗ) ᐋᓐᓂᐊᓯᐅᑎᒧᑦ ᐊᖓᔪᕐᖄᓅᕕᓪᓗ.
- ᑕᑯᒋᐊᒃᑭᑦ ᒪᓕᑦᑕᐅᖁᔭᐅᔪᐃᑦ : : Travailler à la chaleur... Attention! - 4e édition (gouv.qc.ca) (ᐅᐃᒍᐃᑎᑑᕐᑐᐃᑦ ᑭᓯᐊᓂ)
Source: Commission des normes du travail, de l’équité salariale ou et la sécurité au travail (CNESST) https://www.cnesst.gouv.qc.ca/fr/prevention-securite/identifier-corriger-risques/liste-informations-prevention/coup-chaleur
ᖃᖓᑐᐃᓐᓇᖅ ᐃᑉᐱᒍᓱᓕᕈᕕᑦ ᐊᑦᑕᓇᕐᑐᒦᑐᕆᓂᕐᓃᕕᑦ ᐅᕐᖂᓗᐊᕐᓂᑯᖓᓄᑦ, ᐅᖄᕕᖃᒋᑦ ᐊᖓᔪᕐᖄᓃᕕᑦ. ᑕᒪᑦᑎ, ᕿᓂᒍᓐᓇᐳᑎᒃ ᓴᐳᒻᒥᓂᕐᒥᑦ ᖃᓄᐃᖕᖏᓯᐊᕆᐊᖃᖕᖏᓂᕐᓃᕕᑦ!
ᑐᓴᐅᒪᑦᓯᐊᕆᑦ
ᑐᓴᐅᒪᑦᓯᐊᕆᑦ ᑐᓵᖃᑦᑕᓗᑎᑦ ᑐᓴᐅᑎᒥᑦ, ᖃᕆᑕᐅᔭᕐᑎᒍᑦ ᓄᐃᑕᑎᑕᐅᔪᓂᑦ ᓄᓇᓕᑦᑎᒍᑦ ᑐᓴᕋᑦᓴᖏᑦᑎᒍᑦ ᐊᒻᒪᓗ NRBHSS-ᑯᓂᑦ, ᐊᒻᒪᓘᓐᓃᑦ ᑐᓴᒋᐊᕐᕕᒋᓗᒋᑦ ᑲᒪᔩᑦ.
ᓇᐹᕐᑐᐃᑦ ᐃᑯᐊᓚᔪᑦ ᐊᒻᒪᓗ ᓴᓗᒪᓂᖓ ᐊᓂᕐᑎᕆᔭᐅᔫᑉ
ᐃᓯᕆᐊᕐᐸᑦ ᐅᕐᖂᔫᓪᓗᓂᓗ, , see this page.
ᐃᓪᓘᑉ ᐃᓗᐊ ᐸᕐᖄᓗᐊᕐᐸᑦ, ᐃᒐᓛᑦ ᐅᒃᑯᐃᖔᕐᑎᑲᐃᓐᓈᐱᒍᓐᓇᑕᐃᑦ ᓯᓚ ᓂᓪᓕᒪᓕᕐᓴᐅᓕᕐᐸᑦ (ᐅᓐᓄᐊᑰᕐᓂᓴᐅᓲᖅ) ᓂᕈᒥᓐᓂᖓᓂᑦ ᓈᒻᒪᓈᒐᓱᐊᕐᓗᓂ (<31 ᓂᕈᒥᓐᓂᖓ) ᐃᓯᕐᓗᐊᓂᕋᓗᐊᕐᐸᑦ.
ᖃᐅᔨᒋᐊᕐᕕᓴᐃᑦ
ᐃᓱᒪᓕ ᕆᔨᒧᑦ ᓴᐳᒻᒥᔭᐅᓂᖅ
ᑭᖕᖒᒪᓇᕐᐸᑦ, ᐃᓱᒪᓕᕆᔭᐅᒍᒪᒍᕕᑦ ᒪᓂᔨᓯᒪᕗᑦ ᐋᓐᓂᐊᓯᐅᑎᒃᑯᑎᑦ
ᑐᓴᕋᑦᓴᖅ
ᑐᓴᕋᑦᓴᒋᐊᓪᓚᓂᑦ ᖃᐅᔨᒍᒪᒍᕕᑦ, ᑕᑯᒋᐊᕐᓗᒋᑦ ᐊᓪᓚᕕᑦᓴᐃᑦ It's really hot! (gouv.qc.ca)
ᐃᓕᑦᓯᒋᐊᓪᓚᒍᒪᒍᕕᑦ ᐊᑦᑕᓇᕐᑐᒦᑦᑎᓯᑦᑕᐃᓕᓂᕐᒥᑦ ᕿᑐᕐᖓᓃᕕᑦ, ᖃᐅᔨᒋᐊᕐᕕᒋᒃᑭᑦ ᓯᑯᑦᓴᔭᐃᑦ ᑭᖑᓂᕐᒦᑐᐃᑦ : It's really hot! precautions to take for childrens (gouv.qc.ca)
ᑕᑯᒋᐊᕐᓗᒋᓪᓗ ᐅᑯᐊ : What to do when it's really hot?