ᓴᐳᒻᒥᒍᑎᐅᑦᓱᓂ ᐱᐊᕃᑦ ᐱᕈᕐᐸᓕᐊᓂᖏᓐᓂᒃ ᓄᓇᕕᒻᒥ
ᓱᓇᐅᕚ ᑕᓯᐅᕐᑎᒌᑦ?
ᑐᑭᒧᐊᑦᑎᑕᐅᑦᓱᓂ ᐃᓄᒍᐃᓂᐅᑉ ᑐᑭᖓᓄᑦ, ᑕᓯᐅᕐᑎᒌᑦ ᐃᖏᕐᕋᑎᑕᖓ ᐃᑲᔪᕐᓯᒪᓲᖅ ᐃᓚᒌᓂᒃ ᐃᑲᔪᕐᑕᐅᒍᒪᓯᒪᔪᓂᒃ ᐱᕈᕐᐸᓕᐊᓂᖓ ᐱᐊᕋᐅᑉ ᐱᓪᓗᒍ. ᐱᑦᔪᔨᒍᑎᕗᑦ ᑐᖕᖓᕕᓕᒃ ᐱᒋᐊᖕᖓᓂᖓᓂ ᐱᕈᕐᓭᓂᕐᒥᒃ ᐱᐊᕋᕐᒥᒃ ᐊᒻᒪᓗ ᑭᓯᐊᒐᖃᕐᓱᓂ ᐃᓅᖃᑎᒌᒋᐅᕐᓴᑎᑦᓯᓂᕐᒥᒃ, ᐃᓕᓐᓂᐊᑎᑦᓯᓂᕐᒥᒃ, ᐊᒻᒪᓗ ᓱᕐᖁᐃᑐᒥᒃ ᐱᐊᕃᑦ ᑲᒪᒋᔭᐅᑦᓯᐊᕆᐊᖃᕐᓂᒧᑦ ᑭᖕᖒᒪᒋᔭᖏᑎᒍᑦ ᐊᑐᐃᓐᓇᕈᕐᑎᓗᑎᒃ ᐃᓅᓯᕐᒧᑦ.
ᑭᓇᒃᑯᓅᓕᖓᕙ?
ᑕᓯᐅᕐᑎᒌᑦ ᐱᑦᔪᔨᒍᑎᐅᕗᖅ ᐱᐊᕋᕐᓂᒃ ᐅᑭᐅᓕᓐᓂᒃ 0ᒥᑦ-6ᓄᑦ ᐃᑲᔪᕐᑕᐅᒍᑎᖃᕆᐊᓕᓐᓂᒃ ᐱᕈᕐᐸᓕᐊᓂᖓ ᐱᔭᕐᓃᑐᕐᑕᖃᕐᐸᑦ, ᑭᖕᖒᒪᑦᓯᒐᓚᑉᐸᑦ ᐃᑉᐱᓇᓪᓚᕆᑦᑐᒥᓪᓘᓃᑦ ᐃᑲᔪᕐᑕᐅᒍᑎᖃᕆᐊᖃᕐᐸᑦ. ᐱᑦᔪᔨᒍᑏᑦ ᑲᔪᓯᒍᓐᓇᒥᔪᑦ ᐃᓕᓐᓂᐊᐸᓪᓕᐊᓕᕐᑎᓗᒍ ᐃᓕᓐᓂᐊᕕᒻᒦᒋᐅᕐᓴᓂᓕᒫᖓᓂᓗ.
ᖃᓄᖅ ᐃᑲᔪᓲᖑᒻᒪᖔᑦᑕ:
- ᐃᑲᔪᓲᖑᕗᒍᑦ ᐃᓚᒌᓂᒃ, ᓄᓇᓕᒻᒥ ᐱᓇᓱᑦᑎᓂᒃ,ᐯᕆᑦᓯᕕᒻᒥ ᐃᓕᓐᓂᐊᑎᑦᓯᔨᓂᒃ,ᐃᓕᓐᓂᐊᕕᒻᒥᓗ ᐃᓕᓐᓂᐊᕆᐊᖕᖓᑐᓂᒃ ᐃᓕᓐᓂᐊᑎᑦᓯᔨᓂᒃ ᓴᐳᒻᒥᓱᒋᑦ ᐱᐊᕋᐅᑉ ᐱᕈᕐᐸᓕᐊᓂᖓᑎᒍᑦ, ᐊᑐᐃᓐᓇᖃᕐᑎᓯᑦᓱᑕ ᖃᐅᔨᒋᐊᕐᑕᐅᒋᐊᓪᓚᖃᑦᑕᕈᓐᓇᑎᓪᓗᒋᑦ, ᐱᓇᓱᒍᑎᑎᒍᑦ ᑐᑭᒧᐊᑦᑎᓯᒍᑎᑎᒍᓪᓗ ᐊᓂᒍᐃᒋᐅᕐᓴᑎᑦᓯᒍᑎᐅᑦᓱᑎᒃ ᐅᖁᒣᒋᔭᖏᓐᓂᒃ.
- ᑕᓯᐅᕐᑎᒌᑦ ᐱᑐᑦᑎᓯᒍᓐᓇᑐᑦ ᐱᓚᒌᓂᒃ ᐱᒍᓐᓇᐅᑎᓕᓐᓄᑦ ᐅᑦᑑᑎᒋᓗᒋᑦ ᐃᓱᒪᓕᕆᔩᑦ, ᓂᕿᓕᕆᔩᑦ,ᐅᖃᕆᐅᕐᓴᑎᑦᓯᔩᓪᓗ ᓴᐳᒻᒥᒍᑎᐅᑎᓪᓗᒋᑦ ᐱᐊᕋᐅᑉ ᐱᕈᕐᐸᓕᐊᓂᖓᓂᒃ.
ᐱᑦᔪᔨᒍᑏᑦ ᒪᓂᒪᑎᑕᕗᑦ:
- ᐃᒻᒥᒎᓈᕐᑎᑐᓂᒃ ᓴᐳᒻᒥᓂᖅ;ᑲᑎᔭᐅᖃᑦᑕᓂᖅ ᖃᓄᐃᖕᖏᓯᐊᕐᓂᓕᕆᔨᒧᑦ ᐱᒍᓐᓇᐅᑎᖃᕐᓱᓂ ᐃᑲᔪᕐᓯᒪᒍᑎᐅᑦᓱᓂ ᐱᐊᕋᐅᑉ ᐱᕈᕐᐸᓕᐊᓂᖓᓂᒃ.
- ᓴᐳᒻᒥᓂᖅ ᐃᓚᒌᓂᒃ: ᐊᖏᕐᕋᖓᓄ ᐁᖃᑦᑕᓱᑕ ᐃᑲᔪᕐᓱᒋᓪᓗ ᐃᑲᔪᕐᑕᐅᒍᒪᓯᒪᔪᑦ ᐃᓚᒌᑦ.
- ᓄᓇᓕᒻᒥ ᓱᒐᓱᐊᕐᓂᖅ: ᐊᓃᖃᑦᑕᓱᑎᒃ ᓄᓇᓕᐊᕐᓱᑎᒃ, ᐅᐱᕐᖔᒥ ᓱᒐᓱᐊᕐᑎᑕᐅᑦᓱᑎᒃ ᐱᐊᕃᑦ ᐊᓯᖏᓪᓗ ᓇᓪᓕᐅᑎᑦᑕᓱᑎᒃ ᑲᑎᒍᑎᐅᓲᑦ ᓇᐅᓕᒫᓄᑦ ᐊᑐᐃᓐᓇᐅᒪᑎᑕᐅᑦᓱᓂ.
- ᑲᑦᓱᙰᓵᕆᔩᑦ: ᐊᓕᐊᓇᕐᑐᓂᒃ ᐱᒋᐅᕐᓴᓂᖅ ᐊᕐᖁᑎᒋᑦᓱᒍ ᐋᓐᓂᐊᕕᒃ, ᐯᕇᑦᓯᕕᒃ,ᐃᓕᓐᓂᐊᕖᑦ, ᐊᒻᒪᓗ ᓄᓇᓕᒻᒥ ᑎᒥᐅᔪᑦ.
- &ᐃᓕᓐᓂᐊᓯᒪᒋᐊᖃᕐᓂᓗ: ᓴᐳᒻᒥᓂᖅ ᐱᔭᕆᐅᕐᓴᑎᑕᐅᓂᕐᓗ ᑕᓯᐅᕐᑎᒌᓄᑦ ᐱᓇᓱᖃᑕᐅᔪᓄᑦ ᓄᓇᓕᒻᒥ.
ᖃᐅᔨᒋᐊᕐᕕᒋᑎᒍᑦ:
ᖃᐅᔨᒍᒪᔭᖃᕆᐊᓪᓚᒍᕕᑦ, ᐱᑦᔪᔭᐅᒍᒪᒍᕕᓪᓘᓃᑦ ᐱᐊᕋᕐᒥᓘᓐᓃᑦ ᑲᒪᒋᔭᐅᖁᔨᒍᕕᑦ, ᖃᐅᔨᒋᐊᕐᑎᒍᑦ:
- ᑕᓯᐅᔭᕐᔪᐊᒥ: [email protected]
- ᐅᖓᕙᒥ: [email protected]
ᑕᑯᒋᐊᕐᓗᒍ ᑕᓯᐅᕐᑎᒌᑦ ᑕᑯᑦᓴᐅᕕᖓ ᖃᓄᐃᖕᖏᓯᐊᕐᓂᓕᕆᓂᐅᑉ ᓄᓇᕕᒻᒥ ᑕᑯᑦᓴᐅᑎᑦᓯᕕᖓᓂ ᖃᕆᑕᐅᔭᒥ.
**ᐱᐊᕋᕐᓄᑦ ᐅᑭᐅᓕᓐᓄᑦ 7ᓂᒃ ᐅᖓᑖᓄᓪᓘᓃᑦ, ᖃᐅᔨᒋᐊᕐᕕᒋᓗᒍ ᐋᓐᓂᐊᕕᒃ ᓄᓇᓕᑦᓯᓂ.
ᐃᓄᒍᐃᓂᖅ: ᐃᓄᑐᐃᓐᓀᑦ ᐱᐅᓯᖓᑦ ᐱᕈᕐᓭᓂᕐᒧᑦ ᐱᐊᕋᕐᓂᒃ
ᐃᓄᒍᐃᓂᖅ ᐃᓄᑐᐃᓐᓀᑦ ᐱᐅᓯᕆᕙᐅᒃ ᐱᕈᕐᓭᓂᕐᒧᑦ ᑲᒪᒋᑦᓯᐊᓱᒋᑦ ᐱᐊᕃᑦ, ᐱᒍᓐᓇᓯᑎᒐᓱᐊᕐᓱᒋᑦ ᓲᓱᒋᔭᖃᑦᓯᐊᓗᑎᒃ ᐃᓅᖃᑎᖃᕐᓂᒥᒃ, ᑲᒪᒍᓐᓇᓯᑦᓯᐊᓗᑎᒃ ᑲᒪᒋᒋᐊᓕᒻᒥᓂᒃ, ᐊᒻᒪᓗ ᐊᑐᐃᓐᓇᕈᕐᑎᓱᒋᑦ ᐱᐊᕃᑦ ᓯᕗᓂᕆᓂᐊᕐᑕᒥᓄᑦ. ᐃᑲᔪᕐᓯᒪᔪᖅ ᐱᐊᕋᕐᒥᒃ ᐱᒍᓐᓇᓯᐊᕐᑐᕆᓂᕐᑖᐸᓪᓕᐊᑎᑦᓯᓱᓂ, ᐱᓀᓗᑕᓂᒃ ᐋᕐᕿᕈᑎᑦᓴᓯᐅᕈᓐᓇᓂᕐᒧᑦ, ᐊᒻᒪᓗ ᐱᑐᑦᓯᒪᓪᓚᕆᓐᓂᒧᑦ ᓄᓇᓕᒻᒧᑦ. ᐊᕐᖁᑎᒋᑦᓱᒍ ᐃᓄᒍᐃᓂᖅ, ᐱᐊᕃᑦ ᐱᕈᓲᑦ ᓴᐱᓕᔪᐃᑦᑑᓱᑎᒃ, ᓄᐃᑦᓯᒍᓐᓇᓱᑎᒃ ᖃᓄᑐᐃᓐᓇᖅ, ᓱᖏᐅᑎᒍᓐᓇᓱᑎᓪᓗ, ᐱᕈᕐᑎᓱᒋᑦ ᐱᒍᓐᓇᓯᐊᓕᕐᓱᑎᒃ ᐃᓚᐅᓂᕐᒧᑦ ᓄᓇᓕᒻᒧᑦ. ᑕᒪᓐᓇ ᐱᐅᓯᖅ ᓴᐳᒻᒥᓂᐅᕗᖅ ᐃᓅᓯᕐᒥᒍᑦ ᐱᕈᕆᐊᖃᕐᓂᖏᓐᓂᒃ ᐱᐊᕋᐅᓂᕐᒥᑦ ᐃᓄᒻᒪᕆᖕᖑᓂᕐᒧᑦ ᑎᑭᑦᓱᒍ.