ᐅᐃᕆᒪᓇᕐᑐᓕᕆᓂᕐᒧᑦ ᐱᒍᑦᔨᒍᑏᑦ ᐃᒻᒥᒎᓕᖓᑎᑕᐅᔪᑦ ᐱᖓᓱᐃᓕᖓᑦᓱᑎᒃ ᓱᓇᓱᐊᕐᑕᐅᒍᓐᓇᓗᐊᖑᑐᓄᑦ ᐅᖄᒍᑎᖃᕐᑐᓂᒃ.
ᐱᑎᑦᓯᑌᓕᓂᕐᒧᑦ ᐱᒍᑦᔨᒍᑏᑦ
ᐃᑲᔪᕆᐊᕈᓐᓇᑐᓅᕐᑎᓯᓂᕐᒧᑦ ᑲᒪᒋᔭᖃᕐᓂᒧᓪᓗ ᐱᒍᑦᔨᒍᑏᑦ
ᑲᒪᒋᔭᐅᒌᕐᓯᒪᓕᕈᓂ ᐃᑉᐱᒋᔭᖃᕐᓂᒧᑦ ᐱᒍᑦᔨᒍᑏᑦ
ᑕᒪᒃᑯᐊ ᐱᒍᑦᔨᒍᑏᑦ ᐱᕕᖃᕐᑎᑕᐅᕗᑦ ᐱᓇᓱᐊᖃᑕᐅᔪᖃᕐᑎᓗᒍ ᒪᕐᕉᓂᒃ ᓄᓇᕕᐅᑉ ᐋᓐᓂᐊᕕᖏᓐᓂᒃ ᐊᒻᒪᓗ ᓄᓇᓕᓕᒫᑦ ᑎᒥᖁᑎᖏᓐᓂᒃ. ᐊᑐᓂᑦ ᐋᓐᓂᐊᕖᒃ ᐅᐃᕆᒪᓇᕐᑐᓄᑦ ᑲᒪᒋᐊᕐᑐᖃᕈᓐᓇᒪᑎᒃ, ᓴᐳᒻᒥᔨᐅᑦᓱᑎᒃ ᑲᒪᒋᐊᕐᑎᐅᓱᑎᓪᓗ ᑕᒪᒃᑯᓂᖓᓗ ᐊᓯᖏᓐᓂᒃ ᑲᒪᒍᑎᐅᓲᖑᒻᒥᔪᕐᓂᒃ ᐊᑐᓂᑦ ᓄᓇᓕᓐᓂ.
ᐱᑎᓯᑦᑌᓕᒪᓂᕐᒧᑦ
ᐃᓄᐃᑦ ᑲᑐᑦᔨᖃᑎᒌᓐᓂᖓ ᓄᓇᓕᑐᙯᑦ ᐃᑲᔪᖃᑎᒌᑦᑐᑯᑦ ᐊᕐᕿᓱᐃᓲᖑᕗᑦ ᐊᑦᔨᒋᖏᑐᓂᒃ ᑐᑭᓯᒪᐅᑎᑦᓴᓕᕆᐅᑎᓂᒃ ᓄᓇᕕᐅᑉ ᓄᓇᓕᖏᑦᑎᒍᑦ ᐃᓕᓐᓂᐊᕕᖏᑦᑎᒍᓪᓗ
ᓄᓇᓖᑦ ᐋᓐᓂᐊᕕᖏᑦᑕ ᐱᓇᓱᑦᑎᖏᑦ ᐊᒻᒪᓗ ᓄᓇᓕᓐᓂ ᖃᓄᐃᖏᓯᐊᕐᑎᓯᔩᑦ ᐱᓇᓱᑦᑎᖏᑦ ᐃᓚᐅᖃᑕᐅᓯᕙᑦᑐᑦ ᐊᕐᕿᓱᐃᑦᓱᑎᓪᓘᓃᑦ ᐱᑎᑦᓯᑌᓕᒪᓕᕆᐅᑎᓂᒃ ᖃᓄᐃᔭᐅᑎᑦᓯᓂᕐᓂᒧᓪᓗ ᓱᓇᓱᐊᕐᑎᓯᒍᑎᓂᒃ ᓄᓇᓕᓐᓂ, ᐱᓗᐊᕐᑐᒥᒃ ᐱᐊᕋᑦᓴᐅᓱᑎᒃ ᐃᒥᐊᓗᒍᑕᐅᓕᓂᕐᓄᐊᖓᔪᓂᒃ ᐅᕝᕙᓘᓐᓃᑦ ᑕᒪᑦᓱᒧᖓ ᐱᑎᑦᓯᑌᓕᒪᓂᖃᕐᑎᓯᓂᕐᒧᑦ ᖃᐅᔨᔭᐅᑎᑦᓯᒐᓱᐊᕐᓂᒧᓪᓗ ᐅᐃᕆᒪᓇᕐᑐᓕᕆᓂᐅᑎᓄᑦ.
ᐃᑲᔪᕆᐊᕈᓐᓇᑐᓕᕆᓂᕐᒧᑦ ᑲᒪᒋᔭᖃᕐᓂᒧᓪᓗ
ᐅᕕᒃᑫᓗ ᐃᓄᒻᒪᕆᐅᓕᕐᑐᐃᓗ ᐊᑦᓱᕉᑎᖃᕈᑎᒃ ᐅᐃᕆᒪᓇᕐᑐᒥᒃ ᑐᑭᓯᓂᐊᕐᕕᖃᕈᓐᓇᑐᑦ ᐊᓐᓂᐊᕖᑦ ᑲᒪᒋᐊᕐᑎᖏᓐᓂᒃ (ᐃᑲᔪᕐᑕᐅᓂᕐᒧᑦ, ᐃᑲᔪᕆᐊᕐᑕᐅᓂᕐᒧᑦ ᑕᒪᒃᑯᓄᖓ ᑲᒪᒍᓐᓇᓂᕐᒥᒃ ᐱᒍᑦᔨᔨᓄᑦ).
ᐃᓕᓐᓂᐊᑎᑦᓯᒍᑎᑦᓴᓂᒃ, ᐃᓄᑦᑎᑑᓕᕐᑎᑕᐅᒪᔪᓂᒃ ᐃᓕᖓᑎᑕᐅᓕᕐᑐᓂᓪᓗ ᓄᓇᕕᒻᒥᐅᑦ ᑭᖕᖒᒪᒋᓗᐊᕐᑕᖏᓐᓄᑦ, ᓴᓇᔭᐅᔪᖃᕐᓯᒪᓕᕐᑐᖅ. ᐃᓕᓐᓂᐊᑎᑕᐅᔪᖃᕐᓂᐊᑐᖅ ᒪᕐᕈᓄᑦ ᐃᓕᓭᓂᐊᕐᑐᓄᑦ ᓄᓇᓖᑦ ᑭᖕᖑᒪᒋᔭᖏᑦ ᒪᓕᓪᓗᒋᑦ, ᑐᕌᒐᖃᕐᓗᑎᒃ ᑲᒪᒋᐊᕐᑎᐅᔪᐃᓪᓗ ᓄᓇᓕᓐᓄᑦ ᐃᓚᐅᔪᐃᓪᓗ ᐃᓕᑕᕆᔭᐅᑎᑦᓯᓂᐊᕐᑎᓗᒋᑦ ᐃᓄᑑᓈᕐᑎᑐᓂᒃ ᐅᐃᕆᒪᓇᕐᑐᓄᑦ ᐱᓀᓗᑕᓕᓐᓂᒃ ᐊᒻᒪᓗ ᓴᐳᒻᒥᓂᐊᕐᓗᒋᑦ ᕿᓂᓕᕐᐸᑕ ᐃᑲᔪᕐᑐᓴᕐᓂᒃ ᐅᕝᕙᓘᓐᓃᑦ ᐃᑲᔪᕈᓐᓇᑐᓂᒃ ᖃᐅᔨᑎᓗᒋᑦ ᑲᒪᒍᓐᓇᓂᐊᕐᑐᓂᒃ.
ᓄᓇᕕᒻᒥ, ᐊᑕᐅᓯᕐᒥᒃ ᑭᓯᐊᓂ ᓄᓇᓖᑦ ᑎᒥᖁᑎᖓᓂᒃ - ᐃᓱᐊᕐᓯᕕᐅᑉ ᒪᒥᓴᕐᕕᖓᓂᒃ - ᑲᒪᒋᔭᖃᕐᓂᑯᑦ ᐱᒍᑦᔨᕕᖃᓲᖑᕗᖅ ᐅᐃᕆᒪᓇᕐᑐᓕᕆᓂᕐᒧᑦ. ᑖᒃᑯᐊ 42-ᓂᒃ ᐅᓪᓗᑐᕐᑐᓂᒃ ᐃᑲᔪᕐᓯᒪᐅᑎᖃᓲᑦ ᐃᓕᖓᓕᕐᑎᑕᐅᓯᒪᔪᓂᒃ ᐃᓄᐃᑦ ᐃᓗᕐᕈᓯᖏᓐᓄᑦ ᐊᒻᒪᓗ ᐱᕕᖃᕐᑎᓯᒍᑕᐅᓲᖑᑦᓱᑎᒃ ᐃᒻᒥᒎᓇᕐᑎᑕᐅᔪᕐᓄᑦ ᐊᕐᓇᓄᓪᓗ ᐊᖑᑎᓄᓪᓗ.
ᑲᒪᒋᔭᖃᕐᓂᑯᑦ ᐱᒍᑦᔭᐅᔪᖃᕈᒪᓕᕐᐸᑦ, ᓄᓇᕕᐅᑉ ᐃᓄᖏᑦ ᐃᑲᔪᕆᐊᕐᑕᐅᒍᓐᓇᓲᑦ ᓄᓇᓕᓕᒫᑦ ᑲᒪᒋᐊᕐᕕᖓᓄᑦ (ᐃᓱᐊᕐᓯᕕᒻᒧᑦ) ᐃᓚᖓᓂᓗ ᐊᓯᐊᓄᑦ ᒪᒥᓴᕐᕕᐅᒥᔪᕐᒧᑦ ᑯᐯᒃᒥ (ᖃᓪᓗᓈᑎᑐᕐᓂᖃᓲᖑᒻᒥᔪᒧᑦ) ᐅᕝᕙᓘᓐᓃᑦ ᑯᐯᒃ ᓯᓚᑖᓂᑦᑐᒧᑦ ᑮᓇᐅᔭᖃᕐᑎᑕᐅᓲᒥᒃ ᑲᓇᑕᐅᑉ ᐋᓐᓂᐊᓂᓕᕆᔨᒻᒪᕆᖏᓐᓄᑦ.
ᑲᒪᒋᔭᐅᒋᕐᓯᒪᔪᓂᒃ ᐃᑉᐱᒋᔭᖃᕐᓂᒧᑦ
ᐋᓐᓂᐊᕕᐅᑉ ᑲᒪᒋᐊᕐᑎᖏᑦᑕ ᐱᒍᑦᔨᕕᒋᓲᖏᑦ ᓴᐳᒻᒥᒍᑎᐅᓗᐊᖑᐊᓂᖃᕐᑐᑦ ᐱᒍᑦᔭᐅᒍᒪᔪᓂᒃ ᓄᓇᓕᓐᓄᑦ ᐅᑎᕐᐸᓕᐊᓕᕐᑐᓄᑦ.
ᐃᓚᖏᑦ ᓱᓇᓱᐊᕐᑕᐅᒐᓱᐊᕐᑐᐃᑦ ᑲᔪᓯᑎᑕᐅᑦᓱᑎᒃ ᓄᓇᓕᓐᓄᑦ ᑐᑦᓯᐊᕕᓐᓄᓘᓐᓃᑦ ᓄᐃᑦᓯᒍᑎᐅᓯᒪᓕᕐᑐᑦ ᓴᐳᒻᒥᔨᐅᒍᓐᓇᑐᓂᒃ ᑲᑎᒪᐅᑎᔪᓂᒃ. ᐅᑦᑑᑎᒋᓗᒍ, ᐊᐊ-ᑯᑦ ᐃᒥᐊᓗᒻᒥᒃ ᓄᕐᖃᕋᓱᐊᕐᑎᓯᔩᑦ ᑲᑎᒪᓂᖃᕐᑎᓯᓲᖑᕗᑦ ᑰᔾᔪᐊᒥ ᐊᒻᒪᓗ ᒪᕐᕈᐃᓂᒃ ᓴᐳᒻᒥᔨᖃᓲᖑᑦᓱᑎᒃ (ᐃᓄᑦᔪᐊᒥᓗ ᐳᕕᕐᓂᑐᒥᓗ) ᓴᐳᒻᒥᔭᐅᓂᖃᓲᓂᒃ ᑲᒪᒋᐊᕈᓐᓇᑐᓂᒃ ᐅᐃᕆᒪᓇᕐᑐᓕᕆᓂᕐᒧᑦ ᑕᒡᒐᓂ ᐃᓅᓕᑦᓯᕕᐅᑉ ᐋᓐᓂᐊᕕᖓᓂ.
ᐊᒥᓱᑐᓗᐊᕐᓯᒪᓂᖅ
ᐊᒥᓱᑐᓗᐊᕐᓯᒪᔪᓕᕆᒍᓯᖏᑦ ᐱᓇᓱᑦᑎᐅᑉ:
https://nrbhss.ca/en/overdose
ᐊᒥᓱᑐᓗᐊᕐᓯᒪᔪᖃᕐᓂᐸᑦ ᑐᓴᕐᑎᓯᒍᑎᓕᐅᕐᕕᓴᖅ ᐱᓇᓱᑦᑎᓄᑦ:
OVERDOSE REPORT FORM