ᓄᓇᕕᐅᑉ ᓄᓇᖓᑦ
ᓄᓇᕕᐅᑉ ᓄᓇᖓᑦ ᑯᐯᒃ ᓄᓇᓕᒫᖓᑕ ᐊᖏᓂᖓᑕ ᐱᖓᔪᓪᓗᐊᖓᓂᒃ ᐊᖏᓂᖃᕐᐳᖅ ᐊᖏᓂᖃᕐᓱᓂ 660,000-ᓂᒃ ᓯᒃᑭᑕᓂᒃ ᑭᓚᒦᑕᓂᒃ (ᐅᖓᓯᓐᓂᓂᒃ).
ᓄᓇᕕᐅᑉ ᓄᓇᖓ ᑯᐯᑉ ᐅᑭᐅᕐᑕᑐᖓᓃᑦᑐᖅ, ᓄᓇᕐᖁᑐᔪᒻᒪᕆᐅᑦᓱᓂ ᐱᕙᓪᓕᐊᑎᑕᐅᒪᖕᖏᑑᑦᓱᓂᓗ ᓄᓇᖕᖑᐊᑎᒍᑦ 55 ᐊᒻᒪᓗ 62 ᐊᒻᒧᖓᔪᐃᑦ ᐊᑯᓐᓂᖏᓐᓃᓱᓂ. ᑖᓐᓇ ᐊᕙᓗᐊᔭᐅᒪᔪᖅ ᐊᑐᐊᕐᓂᖓᑎᒍᑦ ᑕᓯᐅᔭᕐᔪᐊᒧᑦ, ᑕᕐᕋᖓᑎᒍᓪᓗ ᐃᑭᕋᓴᕐᔪᐊᒧᑦ ᐊᒻᒪᓗ ᖃᕙᖕᖓᓂᖓᓂ ᐅᖓᕙᒧᑦ ᓛᐸᑐᐊᒧᓪᓗ.
ᓄᓇᕐᖁᑐᔪᒻᒪᕆᐅᒐᓗᐊᕐᓱᓂ, ᓄᓇᕕᐅᑉ ᓄᓇᖓ ᐃᓄᑦᑕᖃᑦᓯᐊᖏᑦᑑᕗᖅ. ᐅᓄᕐᓂᖃᕐᓱᑎᒃ 12,000-ᒐᓚᓐᓂᒃ ᑕᒫᓂ ᓄᓇᙯᓐᓇᓲᓂᒃ, 90% ᐳᓴᓐᑎᑲᓴᖏᑦ ᐃᓄᑐᐃᓐᓇᐅᓂᖃᕐᑎᓗᒋᑦ.
ᐅᓪᓗᒥ, ᓄᓇᕕᐅᑉ ᐃᓄᖏᑦ ᓄᓇᓯᒪᕕᖃᕐᐳᑦ 14-ᓂᒃ ᓄᓇᓕᓐᓂᒃ ᐃᕐᐸᖓᔪᓂᒃ ᑕᓯᐅᔭᕐᔪᐊᓗ ᐃᑭᕋᓴᕐᔪᐊᓗ ᐅᖓᕙᐅᓪᓗ ᓯᑦᔭᖏᓐᓂ.
ᑰᔾᔪᐊᖅ ᐃᓄᑦᑕᖃᕐᓱᓂ 2,400-ᓂᒃ ᓇᐹᕐᑐᓕᒻᒥᐅᖑᕗᖅ, ᓄᓇᑐᐃᓐᓇᒥ ᑕᒪᒃᑯᓄᖓ ᐃᓄᓐᓄᑦ, ᐆᒪᔪᕐᓄᓗ ᐱᕈᕐᑐᓄᓪᓗ ᓇᔪᕐᑕᐅᒍᓐᓇᑑᑦᓱᓂ ᓯᓚᖓ ᐱᒻᒪᕆᓲᖑᒐᓗᐊᕐᑎᓗᒍ. ᑖᓐᓇ ᓄᓇᓕᕐᓚᐅᓂᕐᐸᐅᕗᖅ ᑖᒃᑯᓇᓂ 14-ᖑᔪᕐᓂ ᓄᓇᓕᓐᓂ.
ᐅᓄᕐᓂᓭᑦ ᓄᓇᕕᒻᒥᐅᑦ ᐃᓄᑦᑎᑑᒥᒃ ᐅᖃᐅᓯᖃᓲᖑᕗᑦ, ᑭᓯᐊᓂ ᐱᓇᓱᐊᕐᕕᐅᑉ ᐃᓗᐊᓂ ᖃᓪᓗᓈᑎᑐᑦ ᐅᖃᐅᓯᖃᕙᓪᓗᓲᖑᑦᓱᑎᒃ, ᑖᒃᑯᐊ ᑲᕙᒪᑐᖃᒃᑯᑦ ᖃᓪᓗᓈᑎᑑᕐᑐᒥᒃ ᐃᓕᓐᓂᐊᕕᖃᕐᑎᓯᓯᒪᓂᑯᖏᓐᓄᑦ. ᑭᓯᐊᓂᓗᑦᑕᐅᖅ ᐅᐃᒍᐃᑎᑑᒥᒃ ᐅᖃᐅᓯᖃᕐᐸᓕᐊᕋᓗᐊᕐᒥᓱᑎᒃ.
ᓄᓇᓖᑦ ᐊᓐᓂᐊᕕᖏᓐᓂ ᐊᓐᓂᐊᓂᓕᕆᓂᕐᓄᑦ
ᓄᓇᓕᓐᓂ ᖃᓄᐃᖏᓯᐊᕐᓂᓕᕆᔩᑦ ᐱᓇᓱᑦᑎᖏᑦ
ᓄᓇᓖᑦ
ᓄᓇᓖᑦ ᐊᓐᓂᐊᕕᖏᓐᓂ ᐊᓐᓂᐊᓂᓕᕆᓂᕐᓄᑦ
ᓄᓇᓖᑦ ᐊᓐᓂᐊᕕᖏᑦ ᖃᐅᑕᒫᑦ ᑲᒪᒋᐊᑦᓴᐅᑎᒋᒍᓐᓇᓲᑦ ᐊᓐᓂᐊᓂᓕᕆᓂᒃᑯᓗ ᐃᓄᓕᕆᓂᒃᑯᓗ ᐱᒍᑦᔨᒍᑎᖏᓐᓂᒃ, ᐱᒪᑎᑦᓯᑌᓕᓂᒃᑯᓗ ᐊᒻᒪᓗ ᑲᒪᒋᔭᖃᕐᓂᑯᑦ, ᑎᒥᒻᒥᓗ ᒪᒥᓭᓲᖑᑦᓱᑎᒃ ᐊᒻᒪᓗ ᐃᓄᓕᕆᓂᒃᑯᑦ ᐃᓄᓐᓅᑎᑦᓯᕙᓪᓕᐊᓲᖑᑦᓱᑎᒃ.
ᓄᓇᓕᓐᓂ ᖃᓄᐃᖏᓯᐊᕐᓂᓕᕆᔩᑦ ᐱᓇᓱᑦᑎᖏᑦ
ᓄᓇᕕᐅᑉ ᓄᓇᓕᓕᒫᑲᓴᖏᓐᓃᓱᓂ, CLWW ᐱᓇᓱᓲᑦ ᐋᓐᓂᐊᕕᒃᑯᓄᑦ. ᑐᕌᕈᑎᓕᒃ ᐃᑲᔪᕐᓂᒥᒃ ᐱᐅᓯᒋᐊᕋᓱᐊᖃᑦᑕᓗᑎᒃ ᐁᑦᑐᐃᓯᐊᕐᓂᒥᒃ ᐱᒍᑦᔨᒍᑎᑦᓯᐊᓂᒃ ᖃᓄᐃᖕᖏᓯᐊᕐᓂᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓗ ᓄᓇᓕᖏᓐᓂ ᐊᑑᑎᑦᓱᑎᒃ ᓱᖃᑦᓯᓂᕐᓂᒃ ᓱᒃᑯᑌᓕᓂᕐᒨᓕᖓᔪᓂᒃ ᓲᓱᑦᓴᓂᕐᒨᓕᖓᔪᓂᓪᓗ ᐊᑑᑎᑦᓯᐊᑐᓂᒃ ᐃᓄᐃᑦ ᐃᓕᕐᖁᓯᖏᓐᓂᒃ. ᓄᓇᓕᓐᓂᒃ ᐃᑉᐱᒍᓱᑦᓯᐊᓱᑎᒃ, ᖃᓂᑕᕇᑦᓯᐊᑎᑦᓯᓲᑦ ᐋᓐᓂᐊᕕᐅᑉ ᐱᓇᓱᑦᑎᖏᓐᓂᒃ, ᓄᓇᓕᐅᑉ ᑎᒥᖏᓐᓂᒃ ᐊᒻᒪᓗ ᓄᓇᓕᓐᓂᒃ. CLWW-ᑯᑦ ᐃᑲᔪᕐᑕᐅᓲᑦ ᓄᓇᓕᐅᑉ ᐃᑲᔪᕐᑎᖏᓐᓄᑦ ᐱᓇᓱᖃᑎᒌᓲᖑᑦᓱᑎᒃ ᐋᓐᓂᐊᕕᒻᒥ.
ᓄᓇᓖᑦ
