ᓄᓇᕕᒻᒥ ᐃᓄᑐᙯᑦ ᓇᓪᓕᐅᓂᕐᓯᑕᐅᓂᖓᓂᒃ ᖃᐅᔨᓵᕆᒍᑎᖃᕐᓂᖅ : ᓇᓪᓕᐅᓂᕐᓯᐅᓂᖅ ᓯᓚᑐᓂᖓᓂᒃ ᐃᕐᖃᓇᕐᑐᖁᑎᖏᓐᓂᓗ ᓄᓇᕕᒻᒥᐅᑦ
"ᐃᓄᑐᙯᑦ ᓄᑭᒋᒻᒪᒋᑦ ᐃᓄᐃᑦ ᑌᒪᖕᖓᓂᐊᓗᒃ, ᐃᓕᓐᓂᐊᑎᑦᓯᓱᑎᒃ ᓴᐱᓕᕐᑌᓕᓂᕐᒥᒃ, ᓱᖏᐅᑎᒍᓐᓇᓂᕐᒥᒃ ᓲᓱᑦᓴᓯᐊᕐᓂᒥᓪᓗ. ᐃᓅᓯᕐᒥᓂ ᐊᑑᑎᓯᒪᔭᖏᑦ ᐅᓪᓗᒥᒧᑦ ᑕᓯᐅᕐᑕᐅᒍᑎᒋᒐᑦᑎᒋᑦ. ᐃᓄᑐᖃᕐᓂᒃ ᙯᖁᔨᖃᑦᑕᕆᑦᓯ ᖃᐅᔨᒪᔭᖏᓐᓂᒃ ᐅᖄᑎᒋᐊᕐᑐᓗᒋᑦ ᐱᒻᒪᕆᐅᓂᖓᓂᓪᓗ ᐃᓚᒌᑦᓯᐊᕆᐊᖃᕐᓂᐅᑉ ᓄᓇᓕᖃᑦᓯᐊᓂᐅᓪᓗ.”
— ᒥᓂ ᑯᔩ, 2024 ᖃᐅᔨᓵᕆᓂᕐᒥ ᐅᖄᔨᐅᓚᐅᔪᖅ
ᓄᓇᕕᒻᒥ ᐃᓄᑐᙯᑦ ᓇᓪᓕᐅᓂᕐᓯᐅᑕᐅᓂᖓ ᐊᕐᕌᒍᑕᒫᑦ ᐊᑑᑎᓲᖑᒻᒪᑦ ᑎᒥᒃᑯᑦ, ᐃᑉᐱᓂᐊᕐᓂᒥᒍᑦ ᐃᓅᖃᑎᐅᑦᓯᐊᕆᐊᖃᕐᓂᖓᓂᒃ ᐃᓄᑐᙯᑦ ᓇᓪᓕᐅᓂᕐᓯᐅᓂᐅᑦᓱᓂ. ᐆᒃᑑᐱᕆ 1-ᒥ ᐱᒋᐊᕐᑎᓗᒋ ᑕᕐᕿᓕᒫᒥ, ᓱᖃᑦᓯᑎᑕᐅᖃᑦᑕᓛᕐᑐᑦ ᓄᓇᓕᒻᒥᐅᑦ ᐱᑐᖃᑎᖃᕐᑎᓗᒋᑦ ᐃᓄᑐᖃᕐᓂᒃ, ᑭᖑᕚᕇᓄᑦ ᓲᖑᓯᒋᐊᕈᑎᐅᓗᓂ ᓇᓪᓕᐅᓂᕐᓯᐅᓂᐅᓗᓂ ᐃᑲᔪᕐᓯᓯᒪᒻᒪᕆᓐᓂᖏᓐᓂᒃ ᐃᓅᖃᑎᒌᓂᒃ.
2024 ᓄᓇᕕᒻᒥ ᐃᓄᑐᙯᑦ ᓇᓪᓕᐅᓂᕐᓯᐅᑕᐅᓂᖓᓂ ᐱᓇᓱᐊᕐᑕᐅᓛᕐᑐᑦ:
- ᓄᓇᕕᒻᒥᐅᓕᒫᓄᑦ ᐊᑐᐃᓐᓇᐅᑎᑦᓯᓂᖅ ᐱᓇᓱᐊᕈᒪᒐᔭᕐᑐᓄᑦ:
ᓄᓇᕕᒻᒥᐅᑦ ᒪᓂᔨᒍᑎᓕᐅᖁᔭᐅᓯᒪᔪᑦ ᓄᓇᓕᒻᒥ ᓱᖃᑦᓯᑎᑦᓯᒍᑎᐅᒐᔭᕐᑐᓂᒃ ᒪᑯᓂᖓ ᐅᓂᒃᑳᑐᐊᕐᓂᖅ ᐅᕝᕙᓗᓗᓐᓃᑦ ᐃᓗᕐᖁᓯᕐᑎᒍᑦ ᐱᓇᓱᐊᕐᑎᓯᒍᑎᓂᒃ ᓇᓪᓕᐅᓂᕐᓯᐅᕈᑎᖃᕐᓗᑎᒃ ᐃᓄᑐᖃᕐᓂᒃ. ᐊᖏᕐᑕᐅᔪᑦ ᐱᓇᓱᐊᕈᒪᔪᑦ ᑮᓇᐅᔭᖃᕐᑎᑕᐅᓛᕐᑐᑦ ᖃᐅᔨᓵᕆᒍᑎᑖᕐᑎᑕᐅᓗᑎᓪᓗ ᓄᓇᕕᒻᒥ ᐃᓗᓯᓕᕆᔨᓂᑦ. - ᐱᓗᑲᑦᑕᐅᑎᑦᓯᑌᓕᓂᕐᒥᒃ ᐱᒋᐅᕐᓴᑎᑦᓯᒍᑎ:
ᐆᑦᑐᕋᐅᑎᐅᑎᓪᓗᒍ ᐃᓄᑐᖃᕐᓂᒃ ᑲᒪᔨᐅᓲᓄᑦ ᒪᓂᔨᓯᒪᔪᒍᑦ ᐱᒋᐅᕐᓴᑎᑦᓯᒍᑎᑦᓴᓂᒃ ᐃᓄᑐᖃᕐᓂᒃ ᓱᒃᑯᔨᐊᖑᔪᕐᓂᐸᑦ ᖃᓄᐃᓘᕐᑐᓴᐅᓂᖏᓐᓂᒃ ᓯᕗᕐᖐᓯᒪᒍᑎᑦᓴᓂᓪᓗ ᐃᓄᑐᙯᑦ ᖃᓄᐃᖕᖏᓯᐊᖁᓪᓗᒋᑦ. - Facebook-ᑯᑦ ᖃᐅᔨᓵᕆᓂᖅ:
ᑕᕐᕿᓕᒫᒥ ᖃᐅᑕᒫᑦ ᐱᓇᓱᐊᕐᑎᓯᖃᑦᑕᓛᕐᑐᒍᑦ ᓄᐃᑦᓯᖃᑦᑕᓗᑕᓗ ᓱᖃᑦᓯᒍᑎᐅᒍᓐᓇᑐᓂᒃ. - ᓈᓚᐅᑎᒃᑯᑦ: ᑐᓴᐅᑎᒃᑯᑦ ᓰᐱᓰᒃᑯᓗ ᑐᓴᕐᓴᐅᖃᑦᑕᓛᕐᒥᔪᒍᑦ ᑐᓴᐅᒪᔭᐅᑎᑦᓯᓗᑕ.
- ᓄᓇᕕᒻᒥ ᐃᓄᑐᙯᑦ ᓇᓪᓕᐅᓂᕐᓯᐅᑕᐅᕕᖓᓂ ᐱᒐᓱᐊᕐᑎᓯᓂᖅ:
ᓄᓇᕕᒻᒥ ᐃᓗᓯᓕᕆᔨᑦ ᓄᓇᕕᒻᒥᐅᓂᒃ ᐃᓚᐅᖁᔨᔪᑦ ᐃᓄᑐᙯᑦ ᓇᓪᓕᐅᓂᐅᕐᓯᐅᑕᐅᓂᖓᓄᑦ ᓱᖃᑦᓯᖃᑎᖃᕐᓗᑎᒃ ᐃᓄᑐᖃᕐᓂᒃ ᓄᓇᓕᒻᒥᓂ ᐆᒃᑑᐱᕆ 2025 ᑕᕐᕿᖓᓂ. ᓵᓚᖃᐅᑎᑦᓭᑦ: ᖃᕆᑕᐅᔭᖅ ᑎᒍᒥᐊᕋᖅ ᓂᐅᕕᕐᕕᒥᐅᔭᕐᓗ ᓄᐃᓚᑦᓴᖅ - ᐃᓄᑐᙯᑦ ᓇᓪᓕᐅᓂᕐᓯᐅᑕᐅᓂᖓᓂ ᑕᑯᓐᓇᕋᑦᓴᖅ:
ᑕᑯᓐᓇᓗᓯ "ᐃᓅᓯᓕᒫᒥ ᓯᓚᑐᓂᖅ" ᐃᓄᑐᙯᑦ ᐅᓂᒃᑳᑎᓪᓗᒋᑦ ᐅᖃᕐᑎᒋᔭᐅᔪᒥᓪᓗ ᑐᓴᕋᑦᓴᖅ ᒥᓂ ᑯᔩᒥᑦ ᓵᓕ ᒍᐊᑦᒥᓗ.
ᐃᓚᐅᓛᕐᖁᓯ 2025-ᒥ ᐃᓄᑐᙯᑦ ᓇᓪᓕᐅᓂᕐᓯᐅᑕᐅᓂᖓᓂᒃ ᑐᓴᐅᒪᔭᐅᑎᑦᓯᓂᑦᑎᓄᑦ!
