ᓯᓂᕝᕕᐅᑉ ᑯᒪᖏᑦ

ᓱᓇᓪᓚᕆᐅᒻᒪᖔᑕ?

ᓯᓂᕝᕕᐅᑉ ᑯᒪᖏᑦ ᐃᓴᕈᖃᖕᖏᑐᑦ ᒥᑭᔫᑦᓱᑎᒃ, ᐃᔨᑐᐃᓐᓇᓄᑦ ᑕᑯᑦᓴᐅᓱᑎᒃ. ᑐᒥᐅᔦᑦ ᑲᔫᑦᓱᑎᒃ, ᑭᒻᒥᓈᓘᑉ ᑲᕐᖓᓲᑖᖏᑦᑕ ᖁᕐᓱᖓᑦᓱᑎᒃ ᐊᑦᔨᒐᓛᖏᑦ. ᐅᓐᓄᐊᒥ ᓄᐃᕙᓪᓗᓲᑦ, ᐅᓐᓄᐊᒍᓕᕐᒪᑦ ᐆᒻᒪᕆᑦᓯᓲᑦ, ᐊᒻᒪᓗ ᑕᑯᑦᓴᐅᕙᓪᓗᓲᒍᑦᓱᑎᒃ ᐊᓪᓕᓃᑦ ᑭᓗᖏᓐᓂ. ᐃᓪᓖᑦ ᖁᐱᕐᕈᖏᑦ ᑮᓯᓲᑦ, ᐃᓄᓐᓂᒃ ᓯᓂᑦᑐᓂᒃ ᐊᐅᑦᑐᓱᑎᒃ. ᒪᓐᓂᓕᐅᓲᒍᒋᐊᖏᑦ ᖃᐅᔨᒪᔭᐅᒻᒥᔪᑦ ᑲᒪᒋᔭᐅᑦᓴᐅᑎᒋᖕᖏᑐᐊᕋᒥ ᓱᑲᑦᑐᒥᒃ ᐊᒥᓲᓕᕙᓪᓕᐊᓲᑦ ᑐᖁᓴᕐᑕᐅᒐᓱᐊᓕᕋᒥ ᐱᔭᕆᐊᑦᑐᓱᑎᒃ. ᐊᕐᕌᒍᓂ ᐊᒥᓲᖕᖏᑐᓂ ᐊᓂᒍᕐᓯᒪᓕᕐᑐᓂ, ᓯᓂᕝᕕᐅᑉ ᑯᒪᖏᑦ ᑯᐯᓕᒫᒥ ᐊᒥᓲᓕᕙᓪᓕᐊᓚᕆᑦᓯᒪᔪᑦ ᐊᒻᒪᓗ ᓯᓚᕐᔪᐊᓕᒫᒥ. ᑕᒪᑐᒪ ᐃᕐᐸᕙᓪᓕᐊᓯᒪᓂᐅᑉ ᐱᑦᔪᑎᖓ ᐊᒥᓱᑦ ᐃᓄᐃᑦ ᑎᑭᑉᐸᑐᑦ ᐊᐅᓚᐸᑦᑐᑦ (ᓄᑦᑎᑎᕐᓱᑎᒃ, ᕿᑲᕆᐊᕐᑐᓱᑎᒃ ᑕᙯᕐᓯᒋᐊᕐᑐᓱᑎᒃ, ᐊᓯᖏᓐᓂᓗ ᐊᐅᓚᒍᑎᖃᕐᓱᑎᒃ).

ᐃᓗᓯᕐᓱᓂᒃᑯᑦ ᖃᓄᐃᓕᖕᙰᓯᒪᓲᒍᓂᖏᑦ

ᓯᓂᕝᕕᐅᑉ ᑯᒪᖏᑦ ᐁᑦᑐᑐᐃᓲᒍᖕᖏᑐᑦ (ᐊᑦᔭᑐᕋᓲᒍᖕᖏᑐᑦ) ᖃᓄᐃᑦᑐᑐᐃᓐᓇᓂᒃ ᖃᓂᒪᓐᓇᓂᒃ. ᐃᓄᐃᑦ ᐃᓗᓯᕐᓱᓂᖏᓐᓂᒃ ᖃᓄᐃᓕᖕᙰᓯᒪᓪᓚᕆᐅᑎᒋᓲᖏᑦ ᑮᓯᓲᒍᒐᒥᒃ, ᐃᓚᖓᓐᓂ ᐊᒥᓱᐊᓗᓐᓂᐊᓛᑦ ᑮᔭᐅᓂᕐᑖᑎᑦᓯᓱᑎᒃ. ᐊᒥᓲᓕᕋᒥᒃ ᑮᔭᐅᓃᑦ ᐅᖏᓚᕐᕈᐊᓲᑦ ᐊᒻᒪᓗ ᐃᓅᓯᐅᑉ ᐱᐅᓂᖓᓂᒃ ᐃᓱᕐᕆᓇᕐᓂᖓᓂᒃ ᖃᓄᐃᓕᖕᙰᓯᒪᓚᕿᑦᓱᑎᒃ, ᐱᓗᐊᕐᑐᒥᒃ ᓯᓂᑦᓯᐊᖏᑦᑑᓚᖀᖃᑦᑕᓱᑎᒃ, ᐊᕐᓱᕈᕐᑎᓯᑦᓱᑎᒃ, ᐅᐃᒻᒪᖓᓐᓇᑐᒦᑦᑎᓯᑦᓱᑎᒃ ᐊᒻᒪᓗ ᐃᓚᖓᓐᓂ ᐃᓅᖃᑎᒋᔭᐅᒍᒪᖕᖏᑑᑎᑦᓯᓱᑎᒃ ᖁᐃᓇᓕᕐᑎᓯᑦᓱᑎᒃ.

ᖃᓄᖅ ᓯᓂᕝᕕᐅᑉ ᑯᒪᖏᓐᓂᒃ ᐱᑕᑦᓯᑌᓕᒍᓐᓇᐱᑕ?

ᐅᑯᐊ ᒪᓕᒍᓐᓇᑕᑎᑦ ᓯᓂᕝᕕᐅᑉ ᑯᒪᖏᓐᓂᒃ ᐱᑕᑦᓯᑌᓕᒍᑎᒋᓗᒋᑦ:

• ᓱᓇᑐᐃᓐᓇᓂᒃ ᓱᓇᓗᑳᓂᒃ ᑲᑎᕐᓱᐃᓯᒪᓗᐊᕐᑌᓕᓗᑎᑦ ᐅᕝᕙᓘᓐᓃᑦ ᑕᑕᓕᕋᑕᕐᓗᓯ ᓱᓇᓕᒫᑦ ᓇᓂᓕᒫᕐᑎᑌᓕᓗᒋᑦ, ᓯᓂᕝᕕᐅᑉ ᑯᒪᖏᑦ ᐃᔨᕐᓯᒪᕕᖃᑦᓯᐊᓂᐊᖕᖏᒪᑕ.
• ᐃᓪᓗᓯᓐᓅᓯᑦᑌᓕᓗᑎᑦ ᐊᑐᕐᓯᒪᔪᓂᒃ ᐊᓪᓕᓂᕕᓂᕐᓂᒃ ᐅᕝᕙᓘᓐᓃᑦ ᐊᑐᕐᓯᒪᔪᓂᒃ ᐃᓪᓘᑉ ᐱᐅᒃᑯᖏᓐᓂᒃ ᐊᕿᓪᓗᖁᑎᑕᓕᓐᓂᒃ,
• ᓂᐅᕕᕈᕕᑦ ᐱᒋᔭᐅᔪᕕᓂᕐᒥᒃ ᐃᓪᓘᑉ ᐱᐅᒃᑯᑎᖓᓂᒃ ᐊᕿᓪᓗᖁᑎᑕᖃᖕᖏᑐᒥᒃ, ᐃᓘᓐᓇᓯᐊᖓ ᐳᔪᐃᔭᕐᓗᒍ ᐊᒻᒪᓗ ᐃᕐᒥᓗᒍ ᐅᕝᕙᐅᑎᓕᒻᒧᑦ ᐃᒪᕐᒧᑦ ᐆᓇᕐᑐᒧᑦ ᐃᓪᓗᓯᓄᑦ ᐃᑎᓚᐅᕐᑎᓇᒋᑦ.
• ᐊᑐᕐᓯᒪᔪᐃᑦ ᐊᓐᓄᕌᑦ ᐊᒻᒪᓗ ᖃᓪᓗᓈᕐᑌᑦ, ᐃᑎᕐᑎᓗᒋᓪᓗ ᐃᕐᒥᐅᑎᒧᑦ ᐸᓂᕐᓯᐅᑎᒧᓪᓘᓃᑦ ᑐᕐᖁᓗᒋᑦ, ᐆᓇᕐᑐᒦᑦᑎᓗᒋᑦ, ᐃᑭᓐᓂᐸᐅᑎᓗᒋᑦ 30 ᒥᓂᑦᔅ ᐃᑲᐅᕐᓂᐅᑉ ᖁᕐᐹᓂ ᑐᖁᓴᕐᓗᒋᑦ.
• ᓱᓇᓗᑳᑦ ᐊᓯᖏᑦ ᐃᕐᒥᐅᑎᑦᑕᐅᖃᔭᖕᖏᑐᑦ ᐸᓂᕐᓯᐅᑎᒧᓪᓘᓃᑦ ᐃᓕᒪᑎᑕᐅᒍᓐᓇᑐᑦ ᖁᐊᒃᑯᕕᒻᒥ (ᓂᓪᓕᒪᓂᖓ ᐃᒣᓪᓗᐊᑎᓗᒍ -18°C) ᐅᕝᕙᓘᓐᓃᑦ ᓯᓚᒦᑦᑎᓗᒋᑦ ᐅᓪᓗᓂ ᐱᖓᓱᓂ ᖁᑉᐸᒥᓪᓗ, ᐅᕝᕙᓘᓐᓃᑦ ᐳᔪᕐᑕᐅᑎᓗᒋᑦ ᐆᓇᕐᑐᒧᑦ.
• ᐊᓇᕐᕋᑯᕕᑦ ᐊᐅᓪᓚᓯᒪᔪᕕᓂᐅᓗᑎᑦ, ᑕᒉᓐᓇᖅᑦ ᐃᕐᒥᓯᓗᒍ ᐃᕐᓯᕕᑉᐱᑦ ᐃᓗᐊ ᐃᒪᕐᒧᑦ ᐆᓇᕐᑐᒧᑦ.

ᐅᑯᐊ ᑐᑭᓯᐅᑎᑦᓴᒋᐊᓪᓚᑕᓖᑦ, ᑕᑯᒐᓱᐊᕋᑦᓭᑦ ᖃᕆᑕᐅᔭᒃᑯᑦ:

• ᐊᑐᐊᒑᐲᑦ ᐊᑎᓖᑦ Bed bugs - prevention and treatment (ᓯᓂᕝᕕᐅᑉ ᑯᒪᖏᑦ - ᐱᑕᑦᓯᑌᓕᒍᑎᑦᓭᑦ ᐊᒻᒪᓗ ᑐᖁᓴᕐᑕᐅᒍᓐᓇᐅᑎᖏᑦ)
• ᐃᓕᓐᓂᐊᕈᑎᑦᓭᑦ ᐊᑎᓖᑦ Guide pratique à l’intention des propriétaires, exploitants et gestionnaires d’immeubles (in French only) (ᐅᐃᒍᐃᑎᑐᑦ ᑭᓯᐊᓂ)
• BedBugs - First Nations and Inuit Health Branch Environmental Public Health Services – Government of Canada 
• Kativik Housing Bureau