ᓱᓇᓪᓚᕆᐅᒻᒪᖔᑦ?
ᐅᕐᓱᐊᓗᑦᑐᑐᑦ ᑳᓴᓖᕐᑐᑐᑦ ᐃᑯᒪᐅᑎᒨᕐᑐᓘᓐᓃᑦ ᐊᓂᐊᑎᕐᓂᑯᖏᑦ ᐳᔪᕐᓗᖑᕐᑐᑦ Carbon monoxide, ᓀᓪᓕᑎᕐᓯᒪᑎᑕᐅᒍᑎᖓ CO, ᑕᑯᑦᓴᐅᖏᑦᑐᖅ, ᑎᐸᖃᖕᖏᑐᖅ ᐊᒻᒪᓗ ᓱᒃᑯᓇᕐᓱᓂ ᐳᔪᑦᓴᔭᖅ. CO ᐊᓂᐊᑎᕐᑕᐅᓚᕿᓲᖅ ᐊᑦᔨᒌᖕᖏᑐᑦ ᐱᐅᒃᑯᑏᑦ/ᐃᑯᒪᐅᑎᒨᕐᑐᑦ ᐅᕝᕙᓘᓐᓃᑦ ᐃᖏᕐᕋᐅᑏᑦ ᐃᑯᒪᑦᓱᑎᒃ (ᐃᑯᐊᓚᔪᕐᑕᖃᕐᓂᒥᓄᑦ ᐃᑭᓲᑦᓴᔭᓄᑦ) ᐆᑦᑑᑎᒋᑦᓱᒋᑦ ᐳᓪᓓᑦ, ᕿᔪᐃᑦ, ᐅᕐᓱᐊᓗᐃᑦ, ᐅᕐᓱᓴᔦᑦ, ᐊᓯᖏᓪᓗ. ᐃᑯᒪᐅᑎᖃᕐᑎᓯᐅᑏᑦ ᐊᐅᓚᐅᑏᑦ, ᐊᐳᑌᔦᒍᑏᑦ, ᐸᕐᖄᕈᑏᑦ/ᐃᑯᒪᐅᑎᒨᕐᑐᑦ, ᓂᕐᓯᐅᕈᑏᑦ ᐃᓚᖏᑦ, ᕿᔪᑦᑐᑐᑦ ᑭᐊᑦᓴᐅᑏᑦ, ᐃᓪᓘᑉ ᐃᓗᐊᓂ ᐃᑯᐊᓚᑦᓯᕖᑦ ᐊᒻᒪᓗ ᑳᓴᓖᕐᑐᑐᑦ ᐃᖏᕐᕋᐅᑏᑦ ᓱᓪᓗᓕᖏᑦ (ᓄᓇᒃᑰᔫᑦ, ᖃᒧᑎᑲᓪᓓᑦ ᓯᑕᒪᓖᑦ ᓄᓇᓯᐅᑎᐊᕈᐃᑦ) ᐃᓘᓐᓇᑎᒃ ᐆᑦᑑᑎᐅᒍᓐᓇᐳᑦ ᐃᑭᓲᑦᓴᔭᕐᑕᖃᓲᒍᒋᐊᖏᑦ ᐅᕝᕙᓘᓐᓃᑦ ᐊᑐᕐᑕᐅᓲᑦ ᐊᓂᐊᑦᓯᓲᒍᑦᓱᑎᒃ ᐅᕐᓱᐊᓗᑦᑐᑐᑦ ᐊᓂᐊᑎᕐᓂᑯᖏᓐᓂᒃ ᐳᔪᕐᓗᓂᒃ. ᐊᑐᕐᑕᐅᓂᖏᑦ ᑕᒪᒃᑯᐊ ᐃᓪᓘᑉ ᐃᓗᐊᓂ ᐅᕝᕙᓘᓐᓃᑦ ᐊᓯᖏᓐᓂ ᐊᓂᐊᑦᓯᕕᖃᑦᓯᐊᖏᑦᑐᓂ ᐅᕝᕙᓘᓐᓃᑦ ᐊᓂᐊᑦᓯᕕᖃᖕᖏᑐᓂ ᐃᓯᕆᒍᑎᑕᖃᖕᖏᑐᓂᓘᓐᓃᑦ ᐃᓄᒻᒥᒃ ᓂᐅᕐᖃᑐᒥᒃ ᐊᑦᑕᓇᕐᑐᒦᑦᑎᓯᒍᓐᓇᑐᑦ. ᑕᒪᒃᑯᐊ ᑳᓴᓖᑦᓴᔦᑦ ᐊᓂᐊᑎᕐᑕᐅᔪᑦ ᐃᒣᑕᐅᒍᓐᓇᑑᒐᓗᐊᑦ, ᖃᐅᔨᔭᐅᓚᕿᒍᓐᓇᓱᑎᒃ ᐅᕐᓱᐊᓗᑦᑐᑐᑦ ᐊᓂᐊᑎᕐᓂᑯᖏᓐᓂᒃ ᐳᔪᕐᑐᖃᓕᕐᑐᒥᒃ ᓀᒍᑎᓄᑦ.
ᐃᓗᓯᕐᓱᓂᕐᒥᒃ ᖃᓄᐃᓕᖕᙰᒍᑎᒋᓲᖏᑦ
ᐳᔪᕐᓗᖑᕐᑐᑦ ᐊᓂᐊᑎᕐᓂᑯᖓ ᓂᐊᖁᖕᖑᓇᕐᑐᖅ, ᑕᖃᒪᑎᑦᓯᒍᓐᓇᑐᖅ, ᒥᕆᐊᖕᖑᓱᑦᑎᓯᒍᓐᓇᑐᖅ, ᒥᕆᐊᑎᒋᓗᓂ, ᐃᑦᔭᖑᕐᓗᓂ ᐊᒻᒪᓗ ᐃᐱᓂᐊᕐᓗᓂ. ᓱᒐᓗᓗᐊᓕᕐᐸᑦ ᐊᓂᐊᑎᕐᑐᖅ ᓂᐅᕋᑦᓴᐅᖏᑦᑐᖅ, ᓱᒃᑯᑎᑦᓯᒍᓐᓇᑐᖅ ᑎᒥᒥᒃ ᐊᒻᒪᓗᐊᓪᓛᑦ ᑐᖁᓚᖀᓗᓂ.
ᖃᓄᐃᓘᕈᑕᐅᒋᐊᓖᑦ
- ᖃᐅᔨᒪᑦᓯᐊᓗᑎᑦ ᐊᑕᐅᓯᕐᒥᐅᓃᑦ ᐱᒍᓐᓇᓯᐊᕐᑐᒥᒃ ᐅᕐᓱᐊᓗᑦᑐᑐᑦ ᐊᓂᐊᑎᕐᓂᑯᖓᓂᒃ ᓀᒍᑎᒥᒃ ᖃᐅᔨᒍᑎᒥᒃ ᐃᓪᓗᓯᓐᓂ. ᐱᐅᔫᒐᔭᕐᒥᔪᖅ ᑕᒪᓐᓇ ᒪᓕᑦᑕᐅᒍᓂ ᐃᖃᓗᓐᓂᐊᕕᓯᓐᓂ ᐅᕝᕙᓘᓐᓃᑦ ᒪᙯᕝᕕᓯᓐᓂ,
- ᐊᑐᕐᑕᐅᕙᒋᐊᖃᖕᖏᑐᑦ ᓂᕿᓂᒃ ᐃᒐᒍᑏᑦ, ᓱᐴᔫᑦ ᐅᕝᕙᓘᓐᓃᑦ ᐅᕐᓱᐊᓗᑦᑐᑐᑦ, ᐳᓪᓚᑐᕐᑐᑦ ᐅᕝᕙᓘᓐᓃᑦ ᓱᐴᔫᕐᓯᐅᑎᕐᑐᑐᑦ ᐃᑯᒪᔦᑦ ᐅᕝᕙᓘᓐᓃᑦ ᐸᕐᖄᕈᑏᑦ ᐅᒃᑯᐊᑐᕐᓯᒪᔪᓂ ᐃᓪᓗᓂ ᐊᓂᐊᑎᕐᕕᓴᕐᑕᖃᖕᖏᑐᓂ, ᐃᑯᒣᑦ ᖃᒥᖕᖓᓕᕋᓗᐊᕐᐸᑕ, ᐊᑐᕐᑕᐅᔪᖅ ᑐᑭᓯᓇᑦᓯᐊᑐᓂᒃ ᑌᒣᑦᑐᓂ ᐊᑐᕐᑕᐅᒐᓗᐊᕈᓂ ᐊᑦᑕᓇᖕᖏᒋᐊᖓ ᐊᑐᕐᑕᐅᒍᓐᓇᕆᐊᖓ ᓇᓗᓀᕐᓯᒪᖕᖏᐸᑦ.
- ᐃᑭᕙᒍᓐᓀᓗᒋᑦ ᐊᒻᒪᓗ ᐃᑯᒪᑎᕙᒍᓐᓀᓗᒋᑦ ᐊᐅᓚᐅᑏᑦ (ᓄᓇᒃᑰᔫᑦ, ᖃᒧᑎᑲᓪᓓᑦ ᐅᕝᕙᓘᓐᓂᑦ ᐅᕐᓱᓴᔭᕐᑐᑐᑦ ᐅᕝᕙᓘᓐᓃᑦ ᑳᓴᓖᕐᑐᑐᑦ ᐱᐅᒃᑯᑏᑦ, ᐆᑦᑑᑎᒃ ᓄᓇᒃᑰᔫᖃᐅᑎᐅᑉ ᐅᕝᕙᓘᓐᓂᑦ ᐃᓪᓗᐊᐱᐅᑉ ᐃᓗᐊᓂ, ᐅᒃᑯᐃᖔᕋᓗᐊᕐᐸᑦ.
- ᐃᓱᒪᓕᕈᕕᑦ ᓱᒃᑰᓕᕆᐊᖓᓂᒃ, ᐸᕐᖄᕈᑎᐅᑉ ᐅᕝᕙᓘᓐᓃᑦ ᐃᑯᒪᐅᑎᒨᕐᑑᑦ ᐱᐅᓕᓂᐊᒐᐅᑉ (ᐆᑦᑑᑎᒋᓗᒋᑦ ᐸᕐᖄᕈᑎᐅᑉ, ᐃᓪᓘᑉ ᐃᓗᐊᓂ ᐃᑯᐊᓚᑦᓯᕕᐅᑉ ᐅᕝᕙᓘᓐᓂᑦ ᐃᒪᕐᒥᒃ ᓂᕈᒥᑦᓰᒍᑎᐅᑉ) ᖃᐅᔨᑎᓗᒍ ᐃᓪᓗᓕᕆᔨᒃᑯᑦ ᑲᒪᔨᒻᒪᕆᖓ ᐱᓇᓱᑦᑎᒪᕆᒻᒧᑦ ᑕᑯᒐᓱᐊᕐᑕᐅᑎᑦᓯᓂᐊᕐᒪᑦ.
ᓀᒍᑏᑦ ᐃᑭᑉᐸᑦ ᐋᖓᔮᑦᑑᔮᕐᓇᓗ:
- ᐃᓪᓗᓯᓐᓂ ᐊᓂᑎᕆᒋᐊᕐᓗᑎᑦ ᐳᔪᕐᓗᒥᒃ ᐅᒃᑯᐊᑦ ᐃᒐᓛᓪᓗ ᐅᒃᑯᐃᓗᒋᑦ;
- ᐃᓪᓗᓯᓐᓂ ᐊᓂᓗᑎᑦ (ᑕᒪᓐᓇ ᐊᑐᕆᐊᓕᒃ ᐃᑎᕐᓯᒪᔪᓕᒫᓄᑦ ᐊᒻᒪᓗ ᐆᒪᔪᖁᑎᓄᑦ);
- ᐊᑐᕈᕕᑦ ᐃᑯᒪᑉᐸᓘᓐᓃᑦ, ᖃᒥᓪᓗᒋᑦ ᐊᓂᐊᑎᕆᔪᑦ ᐊᑐᕐᑕᑎᑦ ᐆᑦᑑᑎᒋᓗᒋᑦ ᐳᓪᓚᓖᑦ ᐅᕝᕙᓘᓐᓃᑦ ᑳᓴᓖᖃᐅᑏᑦ ᐅᕝᕙᓘᓐᓃᑦ ᓱᓇᑐᐃᓐᓀᑦ ᑳᓴᓖᕐᑐᑐᑦ;
- ᐃᑎᕆᐊᓪᓚᕈᓐᓀᓗᓯ ᐃᑭᓲᕐᑐᑐᑦ ᐊᑐᕐᑕᑎᑦ ᐃᑯᒪᑫᓐᓇᑐᑦ ᖃᐅᔨᔭᐅᒐᓱᐊᖕᖏᓂᖏᓐᓂ ᐱᔪᓐᓇᐅᑎᓕᒻᒧᑦ ᐱᓇᓱᑦᑎᒪᕆᒻᒧᑦ;
- ᖃᐅᔨᑎᓗᒍ ᐃᓪᓗᓕᕆᔨᒃᑯᑦ ᑲᒪᔨᒻᒪᕆᖓ ᐱᕕᖃᕐᐸᑦ.
ᐋᖓᔮᑦᑑᔮᕈᕕᑦ, ᐅᕐᓱᐊᓗᑦᑐᑑᑉ ᐃᑯᒪᐅᑎᒨᕐᑑᓘᓐᓃᑦ ᐊᓂᐊᑎᕐᓂᑯᖓᓂᒃ ᓀᒍᑎᒃ ᐃᑭᑉᐸᑦ ᐃᑭᒍᓐᓀᑎᓗᒍᓘᓐᓃᑦ:
- ᐃᓪᓗᓯᓐᓂ ᐊᓂᓗᑎᑦ (ᑕᒪᓐᓇ ᐊᑐᕆᐊᓕᒃ ᐃᑎᕐᓯᒪᔪᓕᒫᓄᑦ ᐊᒻᒪᓗ ᐆᒪᔪᖁᑎᓄᑦ);
- ᐋᓐᓂᐊᓯᐅᑎᒃᑯᓕᐊᕐᓗᑎᑦ ᐅᕝᕙᓘᓐᓂᑦ ᐋᓐᓂᐊᕕᒻᒧᑦ.
ᑐᑭᓯᒋᐊᓪᓚᕈᒪᒍᕕᑦ, ᐅᑯᐊ ᑕᑯᒐᓱᐊᕋᑦᓭᑦ:
- Pamphlet: Carbon monoxide kills! Protect yourself.
- Prévenir les intoxications au monoxyde de carbone | Gouvernement du Québec (quebec.ca) (in French only)
- Healthy Home Guide / Guide sur la santé environnementale pour les Inuits | Gouvernement du Canada (p. 16-17)
- Respirez un air de qualité chez soi ! MSSS leaflet, 2020 (in French only)
- Pour les camps de chasse : Vacanciers soyez vigilants! (gouv.qc.ca)